ରାଞ୍ଚି: ଲକଡାଉନ୍ ପାଇଁ ବିଦେଶରେ ଅଟକି ଥିବା ଲୋକଙ୍କ ପାଇଁ ସରକାର ବିମାନ ବ୍ୟବସ୍ଥା କରୁଛନ୍ତି। ହେଲେ ଦେଶର ଶ୍ରମିକଙ୍କ ପାଇଁ ସରକାର ବସ କି ଟ୍ରେନ୍ ସେବା ବଦଳରେ ବିମାନ ସେବା କାହିଁକି କରୁନାହାନ୍ତି ବୋଲି ଅନେକ ଦାବି ଉଠିଛି। ତେବେ ଏହାକୁ ସଫଳ କରାଇଛି ହେମନ୍ତ ସୋରେନ୍ ସରକାର। ନିଜ ରାଜ୍ୟର ୧୮୦ ଶ୍ରମିକଙ୍କ ଝାଡ଼ଖଣ୍ଡ ସରକାର ମୁମ୍ୱାଇରୁ ଝାଡ଼ଖଣ୍ଡ ଆଣିଛନ୍ତି।
ଏ ନେଇ ମୁଖ୍ୟମନ୍ତ୍ରୀ ହେମନ୍ତ ସୋରେନ୍ କେନ୍ଦ୍ର ସରକାରକୁ ଅନୁରୋଧ କରିଥିଲେ। କେନ୍ଦ୍ର ସରକାର ଅନୁମତି ଦେବା ପରେ ଝାଡ଼ଖଣ୍ଡ ସରକାର ନିଜ ରାଜ୍ୟର ଶ୍ରମିକଙ୍କୁ ବିମାନରେ ଆଣିଛନ୍ତି। ସୂଚନାଯୋଗ୍ୟ, ଘରକୁ ଫେରିବା ପାଇଁ ଏହି ଶ୍ରମିକଙ୍କ ପକେଟରେ ଟଙ୍କାଟିଏ ବି ନଥିଲା।
ତେବେ ବେଙ୍ଗାଲୁରୁରର ନ୍ୟାଶନାଲ ଲ’ ସ୍କୁଲ ପ୍ରବାସୀଙ୍କ ପାଇଁ ବିମାନ ବ୍ୟବସ୍ଥା କରାଇଥିବାରୁ ହେମନ୍ତ ସୋରେନ୍ ଧନ୍ୟବାଦ ଦେଇଛନ୍ତି। କରୋନା ମହାମାରୀ ବେଳେ ମାନବିକତାର ଆବଶ୍ୟକତା ରହିଛି। ନ୍ୟାଶନାଲ ଲ’ ସ୍କୁଲର ଆଲୁମୁନି ଯେଉଁଭଳି ଭାବରେ ମାନବିକତା ଦେଖାଇଛନ୍ତି ଅନ୍ୟ ପାଇଁ ପ୍ରେରଣା ଦାୟକ ବୋଲି ସେ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
