ପ୍ରୟାଗରାଜ: ଉତ୍ତର ପ୍ରଦେଶର ପ୍ରୟାଗରାଜରେ ଥିବା ଭାରତୀୟ କୃଷି ଫର୍ଟିଲାଇଜର କୋପୋରେଟିଭ ଲଃ (ଆଇଏଫଏଫସିଓ)ର ଫୁଲପୁର ୟୁନିଟରେ ଆଜି ମଙ୍ଗଳବାର ବିଳମ୍ବିତ ରାତିରେ ଭୟଙ୍କର ବିଷାକ୍ତ ଗ୍ୟାସ ଲିକ୍ ହୋଇଛି। ଏଥିରେ ବର୍ତ୍ତମାନ ସୁଦ୍ଧା ୨ ଜଣଙ୍କ ମୃତ୍ୟୁ ଘଟିଥିବା ବେଳେ ୧୫ରୁ ଅଧିକ ଲୋକ ହସ୍ପିଟାଲରେ ଭର୍ତ୍ତି ହୋଇଛନ୍ତି।
ମୃତକ ଦୁଇ ଜଣ ଉକ୍ତ ପ୍ଲାଣ୍ଟରେ କାମ କରୁଥିଲେ। ସେମାନେ ହେଲେ ଭିପି ସିଂହ ଓ ଅଭୟନନ୍ଦନ କୁମାର। ହସ୍ପିଟାଲରେ ଭର୍ତ୍ତି ହୋଇଥିବା ୧୫ ଜଣଙ୍କ ମଧ୍ୟରୁ ଅନେକଙ୍କ ଅବସ୍ଥା ସଙ୍କଟାପନ୍ନ ଥିବାରୁ ମୃତ୍ୟୁସଂଖ୍ୟା ଆଗକୁ ବଢ଼ିବାର ଆଶଙ୍କା ମଧ୍ୟ ପ୍ରକାଶ ପାଇଛି।
ବର୍ତ୍ତମାନ ଗ୍ୟାସ୍ ଲିକ୍ ବନ୍ଦ ହୋଇଯାଇଛି ଓ ୟୁନିଟକୁ ଅସ୍ଥାୟୀ ଭାବେ ତାଲା ପକା ଯାଇଛି। ପାଇପ ଫାଟିବା ଯୋଗୁ ଗ୍ୟାସ ଲିକ୍ ହୋଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି। ସେହିପରି ଗ୍ୟାସ ଲିକ୍ ଯୋଗୁ ପ୍ରଭାବିତ ହୋଇଥିବା ଲୋକଙ୍କୁ ସମସ୍ତ ପ୍ରକାରର ରିଲିଫ ଯୋଗାଇ ଦିଆଯାଇଥିବା ପ୍ରାୟଗରାଜ ଡିଏମ କହିଛନ୍ତି।