ବାତ୍ୟା ବେଳେ ଟିକେଟ୍ ବୁକିଂର ପଇସା ଫେରସ୍ତ କରିବ ବିମାନ କମ୍ପାନୀ

ନୂଆଦିଲ୍ଲୀ: ବାତ୍ୟା ଫୋନି ପାଇଁ ଯାତ୍ରା କରିପାରିନଥିବା ଯାତ୍ରୀଙ୍କୁ ଆଶ୍ୱସ୍ତି ଦେଇଛନ୍ତି ଘରୋଇ ବିମାନ ସେବାପ୍ରଦାନକାରୀ ସଂସ୍ଥା ଭିସ୍ତାରା, ଗୋ-ଏୟାର, ଏୟାର ଇଣ୍ଡିଆ। କମ୍ପାନୀ ଏକ ବିଜ୍ଞପ୍ତି ଜରିଆରେ କହିଛି ଯେ ଶୁକ୍ରବାର ଦିନ ଯେଉଁମାନେ ଭିସ୍ତାରା ବିମାନରେ ଯାତ୍ରା ନ କରିପାରି ଟିକେଟ ବାତିଲ କରି ନାହାନ୍ତି ସେମାନେ ଆସନ୍ତାକାଲି ବିନା ଅତିରିକ୍ତ ଦେୟରେ ଯାତ୍ରା କରିପାରିବେ।

ସକାଳ ୧୦ଟା ୫୦ରେ ଦିଲ୍ଲୀରୁ କୋଲକାତା ଯିବା ପାଇଁ ବିମାନ ନମ୍ୱର UK738 ଏବଂ ଅପରାହ୍ନ ୧ଟା ୩୫ରେ କୋଲକାତାରୁ ଦିଲ୍ଲୀ ଆସିବା ପାଇଁ ବିମାନ UK737ରେ ଫୋନି ପାଇଁ ଯାତ୍ରା କରିପାରିନଥିବା ଯାତ୍ରୀ ଏହି ଯାତ୍ରା କରିପାରିବେ।

ସେହିପରି ଇଣ୍ଡିଗୋ ଏବଂ ଗୋ-ଏୟାର କମ୍ପାନୀ ଟିକେଟ ବାତିଲ କରିଥିବା ଯାତ୍ରୀଙ୍କ ଟଙ୍କା ଶତ ପ୍ରତିଶତ ଫେରସ୍ତ କରିବେ ବୋଲି କହିଛନ୍ତି। ଏମିତିକି ଯାତ୍ରା କରିବାକୁ ଚାହୁଁଥିଲେ ସମାନ ପଇସାରେ ଅନ୍ୟ ଏକ ବିମାନରେ ଟିକେଟ ବୁକ୍ କରିପାରିବେ ବୋଲି ଯାତ୍ରୀଙ୍କୁ ପ୍ରସ୍ତାବ ଦେଇଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।