ଆଗ୍ରା: ଶୀର୍ଷକ ଓଲଟା ଲାଗୁଥିଲେ ହେଁ ସତରେ ଏଭଳି ଘଟଣା ଘଟିଛି। ଆଲିଗଡ଼ର ଜଣେ ୧୯ ବର୍ଷ ବୟସ୍କ ଯୁବତୀଙ୍କୁ ପୁଲିସ୍ ଗିରଫ କରିଛି। ତାଙ୍କ ପ୍ରେମିକ ବାହାହେବାକୁ ମନା କରିବାରୁ ସେ ଏଭଳି ଘଟାଥିବା ଜଣାପଡ଼ିଛି।
ଭାରତୀୟ ପିଙ୍ଗଳ କୋଡ୍ର ୩୨୬ ଏ ଅନୁଯାୟୀ ଏହି ଯୁବତୀଙ୍କ ନାମରେ ଏକ ମାମଲା ରୁଜୁ କରାଯାଇଛି। ପୀଡ଼ିତଙ୍କ ପରିବାର ସଦସ୍ୟଙ୍କ ଅଭିଯୋଗ ଆଧାରରେ ଏହି ମାମଲା ରୁଜୁ କରାଯାଇଛି।
ପୀଡ଼ିତଙ୍କ ମା’ କହିବା ଅନୁଯାୟୀ, ଏହି ଯୁବତୀ ଓ ଯୁବକଙ୍କ ମଧ୍ୟରେ ପ୍ରେମ ସମ୍ପର୍କ ଥିଲା। କିନ୍ତୁ ମାସେ ତଳେ ଯୁବତୀ କଥାବାର୍ତ୍ତା ବନ୍ଦ କରିଦେଇଥିଲେ। ସେ ଦାବି କରିଛନ୍ତି, ଯୁବତୀ ଜଣକ ତାଙ୍କ ପୁଅ ଉପରେ ଚାପ ପକାଇ ଆସୁଥିଲେ। ଫୋନ୍ କରି ଧମକାଇ ଆସୁଥିଲେ। ଏପରିକି ଘଟଣା ଦିନ ମଧ୍ୟ ସେ ଫୋନ୍ କରି ଧମକାଉଥିଲେ। କିନ୍ତୁ ଯୁବକ ଫୋନ୍ ରିସିଭ୍ ନ କରିବାରୁ ଏଭଳି ଏସିଡ୍ ମାଡ଼ କରିଥିଲେ। ଏହି ସମୟରେ ଯୁବକ ଏକ ଦୋକାନ ନିକଟରେ ଠିଆ ହୋଇଥିଲେ।
ଯୁବତୀ ପାଲଟା ଅଭିଯୋଗ ଆଣିଛନ୍ତି, ଯୁବକ ଜଣକ ତାଙ୍କୁ ଧମକାଇଥିଲେ ବାହା ନହେଲେ ତାଙ୍କ ଅନ୍ତରଙ୍ଗ ଫଟୋ ସବୁ ସୋଶାଲ ମିଡିଆରେ ଭାଇରାଲ କରିଦେବେ। ଡାକ୍ତରୀ ସୂଚନା ଅନୁଯାୟୀ ଯୁବକଙ୍କ ଆଖି ଏହି ଏସିଡ୍ ମାଡ଼ରେ ଗଭୀର ପ୍ରଭାବିତ ହୋଇଛି। ବର୍ତ୍ତମାନ ତାଙ୍କ ଚିକିତ୍ସା ଚାଲୁ ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
