ବିତର୍କରୁ ବିବାଦ: ସମ୍ୱିତ ପାତ୍ରଙ୍କୁ ଲାଇଭ୍ ଶୋ’ରୁ ଆଉଟ୍ କଲେ ଟିଭି ଆଙ୍କର, ଭିଡିଓ ଭାଇରାଲ୍

<p>ନେତାକୁ ଡାକି ନେଇ ଦେଲେ ଅପମାନ। ଲାଇଭ୍ ଶୋ&rsquo; ଚାଲୁଥିବା ବେଳେ ନେତାଙ୍କୁ ଅଧାରୁ ଉଠିବାକୁ କହିଲେ ଆଙ୍କର। ଏହଭଳି ଦୁର୍ଦ୍ଦଶା ଭୋଗିଛନ୍ତି ବିଜେପି ମୁଖପାତ୍ର ସମ୍ୱିତ ପାତ୍ର। ନିଜ କଥା ଚାତୁରୀରେ ବିପକ୍ଷ ଲୋକଙ୍କୁ ହତବାକ କରି ଦେଉଥିବା ସମ୍ୱିତ ପାତ୍ର ମୁଣ୍ଡ ନୁଆଇଁଛନ୍ତି ଜଣେ ଲେଡି ଆଙ୍କରଙ୍କ ଆଗରେ। ଏହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି।</p> <p>ବିଜେପି ମୁଖପାତ୍ର ସମ୍ୱିତ ପାତ୍ର। ଜଣେ ବିଜ୍ଞ ନେତା ଭାବେ ବେଶ୍ ପରିଚିତ ମିଡିଆ ଜଗତରେ। ଲାଇଭ୍ ଶୋ&rsquo;ରେ ନିଜ ବାକ୍&zwnj;ଚାତୁରୀ ମାଧ୍ୟମରେ ବିପକ୍ଷ ଲୋକଙ୍କୁ ଚୁପ୍ କରିବାରେ ସିଦ୍ଧହସ୍ତ ସମ୍ୱିତ। ସେଥିପାଇଁ ସମସ୍ତ ଲାଇଭ୍ ଶୋ&rsquo;ରେ ତାଙ୍କୁ ଦେଖିବାକୁ ମିଳେ। ତେବେ ଇଂରାଜୀ ନ୍ୟୁଜ ଚ୍ୟାନେଲ ଏନଡିଟିଭି ଆଙ୍କରଙ୍କ ଆଗରେ ଫିକା ପଡି ଯାଇଥିଲା ସମ୍ୱିତଙ୍କ ତେଭର।</p> <p>[vc_video link=&quot;&quot; align=&quot;center&quot;]</p> <p>କେରଳରେ କଂଗ୍ରେସ କାର୍ଯ୍ୟକର୍ତ୍ତାଙ୍କ ଦ୍ୱାରା ହେଉଥିବା ଗୋ-ହତ୍ୟା ଉପରେ ଏନ୍&zwnj;ଡିଟିଭିରେ ହେଉଥିବା ଆଲୋଚନାରେ ବିଜେପି ପକ୍ଷରୁ ସମ୍ୱିତ ପାତ୍ର ଭାଗ ନେଇଥିଲେ। ଏଥିସହ କଂଗ୍ରେସ ପକ୍ଷରୁ ଶର୍ମିଷ୍ଠା ମୁଖାର୍ଜି ଓ ଆଉ କିଛି ଅତିଥି ଭାଗ ନେଇଥିଲେ। ସମୟ ବିତିବା ସଙ୍ଗେ ସଙ୍ଗେ ଆଲୋଚନା ମଧ୍ୟ ବେଶ୍ ଗରମା ଗରମ ଆଡକୁ ଗତି କରୁଥିଲା। ଆଲୋଚନା ଚାଲୁଥିବା ବେଳେ ଅନ୍ୟ ଅତିଥିଙ୍କ କଥା ମଝିରେ ନାକ ପୂରାଇ ଥିଲେ ସମ୍ୱିତ। ଅନ୍ୟ ଜଣେ ମତ ରଖୁଥିବା ବେଳେ ସମ୍ୱିତଙ୍କୁ କିଛି ନ କହିବା ପାଇଁ ଅତି ଭଦ୍ରତାର ସହ ନିବେଦନ କରିଥିଲେ ଆଙ୍କର ନିଧି ରାଜଦାନ୍।</p> <p>ହେଲେ ସମ୍ୱିତ ଆଙ୍କରଙ୍କ ନିବେଦନକୁ ଖାତିର କରି ନ ଥିଲେ। ପୁଣି ଥରେ ଲାଇଭ୍ ଶୋ&rsquo; ମଝିରେ କହିଥିଲେ କି ସେ ଅନ୍ୟ ଚ୍ୟାନେଲକୁ ମଧ୍ୟ ଆଲୋଚନା କରିବାକୁ ଯାଉଛନ୍ତି କିନ୍ତୁ ସେଠି କାହା କଥା ମଝିରେ ସେ କିଛି କୁହନ୍ତି ନାହିଁ। ମାତ୍ର ଏହି ଶୋ&rsquo;ରେ କାହା କଥା ମଝିରେ କହିବାକୁ ବାଧ୍ୟ ହେଉଛନ୍ତି, କାରଣ ଏହି ଚ୍ୟାନେଲରେ ଗାଈକୁ ବାରମ୍ୱାର ବଳଦ କୁହାଯାଉଛି। ଏଥିସହିତ କଂଗ୍ରେସ ଦଳ ସହ ଚ୍ୟାନେଲ ନରମ ମନୋଭାବ ପୋଷଣ କରୁଛି ବୋଲି କହିଥିଲେ।</p>