ନିର୍ବାଚନୀ ଥୋପ !ଏଣିକି ମହିଳାଙ୍କୁ ମିଳିବ ୧୦ ହଜାର ଟଙ୍କା ଓ ସ୍ମାର୍ଟ ଫୋନ୍‌

ଅମରାବତୀ: ମହିଳାଙ୍କୁ  ମିଳିବ ୧୦ ହଜାର ଟଙ୍କା ଓ ସ୍ମାର୍ଟ ଫୋନ୍‌। ଓଡ଼ିଶା ସରକାର ଭଳି ଆନ୍ଧ୍ରପ୍ରଦେଶ ସରକାର ନିର୍ବାଚନକୁ ଆଖି ଆଗରେ ରଖି କିଛି ଏମିତି ଲୋଭନୀୟ ଯୋଜନା ଘୋଷଣା କରିଛନ୍ତି। ଆଗାମୀ ନିର୍ବାଚନକୁ ଦୃଷ୍ଟିରେ ରଖି ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାୟଡୁ ସ୍ୱଂୟ ସହାୟକ ଗୋଷ୍ଠୀର ମହିଳାମାନଙ୍କ ପାଇଁ ୧୦ ହଜାର ଟଙ୍କା ଏବଂ ସ୍ମାର୍ଟଫୋନ ଦେବାକୁ ଘୋଷଣା କରିଛନ୍ତି। ମହିଳା ଏବଂ ଶିଶୁ ବିକାଶ ଯୋଜନା କାର୍ଯ୍ୟକ୍ରମ ଅଧୀନରେ ମହିଳାମାନଙ୍କୁ ଏହି ଅର୍ଥରାଶି ପ୍ରଦାନ କରାଯିବ।

ଏହି ସ୍କିମର ନାଁ ରହିଛି ପୁଷ୍ପ-କୁମ୍‌କୁମ୍‌। ଅମରାବତୀର ଏକ ସରକାରୀ ସଭାରେ ଏହି ସ୍କିମର ଘୋଷଣା କରିଛନ୍ତି ଚନ୍ଦ୍ରବାବୁ ନାଇଡୁ। ତେବେ ଏହି ଟଙ୍କା ଚେକ୍‌ ଆକାରରେ ୩ଟି ଇନଷ୍ଟଲମେଣ୍ଟରେ ପ୍ରଦାନ କରାଯିବ। ପ୍ରଥମ କିସ୍ତିରେ ସମସ୍ତ ଚେକ୍‌ ଫେବୃଆରୀ ପ୍ରଥମ ସପ୍ତାହରେ ଦିଆଯିବ । ସ୍କିମ ଅନୁସାରେ ମହିଳାଙ୍କୁ ତିନିଟି କିସ୍ତିରେ ୨୫୦୦ ଟଙ୍କା ପ୍ରଦାନ କରାଯିବ ।

ଯାହା ଫେବୃଆରୀରେ ଉଠାଯାଇପାରିବ। ସେହିପରି ୩୦୦୦ ଟଙ୍କା ଫେବୃଆରୀ ଶେଷ ଏବଂ ଅପ୍ରେଲରେ ୪୦୦୦ ଟଙ୍କା ପ୍ରଦାନ କରାଯିବ। ଏହି ଯୋଜନାରେ ୯୩ ଲକ୍ଷ ମହିଳା ଉପକୃତ ହେବେ ବୋଲି ଜଣାପଡ଼ିଛି। ଏଥିପାଇଁ ସରକାରଙ୍କ ତହବିଲରୁ ୯,୪୦୦ କୋଟି ଟଙ୍କାର ବୋଝ ପଡ଼ିବ। ତେବେ ଏହି ଯୋଜନାକୁ ବିରୋଧୀ ୱାଇଏସ୍‌ଆରସିପିର ମୁଖ୍ୟ ଜଗମୋହନ ରେଡ୍ଡୀ ସମାଲୋଚନା କରିଛନ୍ତି। କହିଛନ୍ତି ସରକାରଙ୍କର ଏହା ହେଉଛି ଭୋଟ୍‌ ପାଇଁ ନୋଟ୍‌ ଯୋଜନା।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।