ଖୁବଶୀଘ୍ର ଆପରେ ଯୋଗ ଦେବେ ସିଦ୍ଧୁ: କେଜ୍ରିୱାଲ

ନୂଆଦିଲ୍ଲୀ: ରାଜ୍ୟସଭାରୁ ଇସ୍ତଫା ଦେବା ପରେ ବିଜେପି ନେତା ନବଜୋତ ସିଂ ସିଦ୍ଧୁ ଆମ ଆଦମୀ ପାର୍ଟିରେ ଯୋଗ ଦେବା ନେଇ ଚର୍ଚ୍ଚା ଜୋର ଧରିଛି। ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ସିଦ୍ଧୁ ଆପ ପାର୍ଟିରେ ଯୋଗ ଦେବା ନେଇ ଆଜି ଟ୍ୱିଟ୍‌ କରି କହିଛନ୍ତି, “ନବଜୋତ ସିଂ ସିଦ୍ଧୁ ଆପ ପାର୍ଟିରେ ଯୋଗଦେବେ। ଏଥିରେ କୌଣସି ସନ୍ଦେହ ନାହିଁ।”

ସେ ଆହୁରି କହିଛନ୍ତି,“ଗତ ସପ୍ତାହରେ ସିଦ୍ଧୁ ମୋ ସହିତ ଦେଖା ହୋଇଥିଲେ। କିନ୍ତୁ ସେ ପାର୍ଟିରେ ଯୋଗ ଦେବା ବିଷୟରେ କିଛି କହି ନ ଥିଲେ। ଏ ବିଷୟରେ ଭାବିବା ପାଇଁ ତାଙ୍କୁ ସମୟ ଦରକାର। ଆମେ ଏହାକୁ ସମ୍ମାନ ଦେବା ଉଚିତ୍‌।”

ସିଦ୍ଧୁ ଆପ ପାର୍ଟିରେ ଯୋଗ ଦେବା ପାଇଁ କିଛି ସର୍ତ୍ତ ରଖିଥିବା ପୂର୍ବରୁ ଚର୍ଚ୍ଚା ହେଉଥିଲା।

ସିଦ୍ଧୁ  ଜୁଲାଇ ୧୮ ତାରିଖରେ ରାଜ୍ୟସଭା ସଦସ୍ୟ ପଦରୁ ଇସ୍ତଫା ଦେଇଥିଲେ। ମୌସୁମୀ ଅଧିବେଶନର ପ୍ରଥମ ଦିନରେ ସିଦ୍ଧୁଙ୍କ ହଠାତ୍ ଇସ୍ତଫା ସମସ୍ତଙ୍କୁ ଚକିତ କରି ଦେଇଥିଲା।

ଚଳିତ ବର୍ଷ ଏପ୍ରିଲ୍ ୨୮ ତାରିଖରେ ସିଦ୍ଧୁ ରାଜ୍ୟସଭାର ମନୋନୀତ ସଦସ୍ୟ ଭାବେ ଶପଥ ନେଇଥିଲେ।

୨୦୧୪ ସାଧାରଣ ନିର୍ବାଚନ ବେଳେ ବିଜେପି ତାଙ୍କୁ ଟିକେଟ ଦେଇ ନ ଥିଲା। ତାଙ୍କର ଅମୃତସର ଲୋକସଭା ଆସନରେ ଦଳ ଅରୁଣ ଜେଟଲୀଙ୍କୁ ପ୍ରାର୍ଥୀ କରିଥିଲା।

ଆହୁରି ପଢ଼ନ୍ତୁ

କରୋନା ବାୟୁବାହିତ ବୋଲି ମାନିଲା ହୁ’, ଲୋକେ ଆତଙ୍କିତ

ଚାଇନାକୁ ଆମେରିକାର କଡ଼ା ଚେତାବନୀ

ସାମୟିକ ଋଣର ସୁଧ ହ୍ରାସ କଲା ଏସବିଆଇ

ମୃତ୍ୟୁର ଭୟରେ ଟିଭି ଷ୍ଟୁଡିଓରେ ଆତ୍ମସମର୍ପଣ କରିବ ବିକାଶ ଦୁବେ!

ଗ୍ୟାଙ୍ଗଷ୍ଟର ବିକାଶ ଦୁବେର ଆଉ ଦୁଇ ସହଯୋଗୀଙ୍କୁ ଏନକାଉଣ୍ଟର

ଦିଲ୍ଲୀରେ ଭୟଙ୍କର ଅଗ୍ନିକାଣ୍ଡ, ନିଆଁ ଲିଭା କାର୍ଯ୍ୟରେ ୩୪ଟି ଦମକଳ

ପଙ୍ଗୋଙ୍ଗ ହ୍ରଦରୁ ଯବାନଙ୍କ ସଂଖ୍ୟା ହ୍ରାସ କଲା ଚାଇନା, କିନ୍ତୁ…

ଫେସବୁକ ଓ ଇନଷ୍ଟାଗ୍ରାମ ଡିଲିଟ କରିବାକୁ ସେନାର ନିର୍ଦ୍ଦେଶ

ବିଜେପି ନେତାଙ୍କୁ ଗୁଳି କରି ହତ୍ୟା କଲେ ଆତଙ୍କବାଦୀ

ନୂଆ ଛାତ୍ରଛାତ୍ରୀ ଭିସା ନିଷ୍ପତ୍ତିକୁ ବିରୋଧ, କାଠଗଡ଼ାରେ ଟ୍ରମ୍ପ ସରକାର

‘ଚୀନର ସମସ୍ତ ପଡ଼ୋଶୀ ଦେଶ ସହିତ ସୀମା ବିବାଦ ରହିଛି’

ପୁଲିସ ହେପାଜତରେ ଥିବା ପ୍ରଭାତ କରୋନାରେ ଆକ୍ରାନ୍ତ