ମାର୍ଚ୍ଚ ୧ରୁ କେଜ୍ରିଙ୍କ ଆମରଣ ଅନଶନ

ନୂଆଦିଲ୍ଲୀ: ଶନିବାର ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଘୋଷଣା କରିଛନ୍ତି ଦିଲ୍ଲୀକୁ ପୂର୍ଣ୍ଣ ରାଜ୍ୟ ମାନ୍ୟତା ଦାବିରେ ସେ ଆମରଣ ଅନଶନ କରିବେ। ପୂର୍ବରୁ ମଧ୍ୟ ସେ ଏହି ଦାବି କରିଆସୁଥିବାବେଳେ ଆଜି ସେ ସ୍ପଷ୍ଟ କରିଦେଇଛନ୍ତି, ମାର୍ଚ୍ଚ ୧ରୁ ହିଁ ଏହି ଦାବିରେ ଆମରଣ ଅନଶନରେ ବସିବେ।

ଗଣମାଧ୍ୟମକୁ ସେ କହିଛନ୍ତି, ସମଗ୍ର ଦେଶରେ ଗଣତନ୍ତ୍ର ଲାଗୁ ହୋଇଥିବାବେଳେ ଦିଲ୍ଲୀରେ କାହିଁକି ନୁହେଁ? ଲୋକେ ଭୋଟ୍‌ କଲେ ଏବଂ ସରକାର ବାଛିଲେ, କିନ୍ତୁ ସରକାରଙ୍କର କିଛି କ୍ଷମତା ନାହିଁ। ତେଣୁ ମାର୍ଚ୍ଚ ୧ରେ ଆମେ ଆନ୍ଦୋଳନ ଆରମ୍ଭ କରୁଛୁ ଏବଂ ଦିଲ୍ଲୀକୁ ପୂର୍ଣ୍ଣ ରାଜ୍ୟ ମାନ୍ୟତାରେ ଆମେ ଅନଶନରେ ବସିବୁ।

୨୦୧୯ ଲୋକସଭା ନିର୍ବାଚନରେ ଆମ୍‌ ଆଦମୀ ପାର୍ଟି ଏହି ପ୍ରସଙ୍ଗକୁ ନେଇ ନିର୍ବାଚନରେ ଓହ୍ଲାଇବା କେଜ୍ରିୱାଲଙ୍କ ଏହି ରଣନୀତିରୁ ଏକ ପ୍ରକାର ସ୍ପଷ୍ଟ ହୋଇଯାଇଛି। ଏହା ପୂର୍ବରୁ ମଧ୍ୟ ଏହି ପ୍ରସଙ୍ଗକୁ ନିର୍ବାଚନୀ ଥୋପ କରି କେଜ୍ରି କହିଥିଲେ, ଆପ୍‌ ସମସ୍ତ ୭ଟି ଲୋକସଭାରେ ଜିତିଲେ ଦିଲ୍ଲୀକୁ ପୂର୍ଣ୍ଣ ରାଜ୍ୟ ମାନ୍ୟତା ଦେବାପାଇଁ କେନ୍ଦ୍ର ଉପରେ ଚାପ ପକାଯାଇପାରିବ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।