ନୂଆଦିଲ୍ଲୀ: ଆତଙ୍କବାଦ ଓ ମାଓବାଦ ନିକଟରେ ଦେଶ ମୁଣ୍ଡ ନୁଆଁଇବ ନାହିଁ। ଏହା ବିରୋଧରେ ଆମକୁ ଲଢ଼େଇ କରିବାକୁ ପଡ଼ିବ ବୋଲି ଆଜି ୭୦ତମ ସ୍ୱାଧୀନତା ଦିବସ ଅବସରରେ ଦିଲ୍ଲୀର ଐତିହାସିକ ଲାଲକିଲ୍ଲାରେ ପତାକା ଉତ୍ତୋଳନ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଥିଲେ।
ମୋଦି ତାଙ୍କ ଅଭିଭାଷଣରେ ଦେଶବାସୀଙ୍କୁ ସ୍ୱାଧୀନତା ଦିବସର ଶୁଭେଚ୍ଛା ଜଣାଇବା ସହ ଦେଶ ପାଇଁ ପ୍ରାଣବଳୀ ଦେଇଥିବା ମହାପୁରୁଷମାନଙ୍କୁ ମନେ ପକାଇଥିଲେ।
ଏହି ଅବସରରେ ଭାରତକୁ ଶ୍ରେଷ୍ଠ ଦେଶରେ ପରିଣତ କରିବାକୁ ସେ ଦେଶବାସୀଙ୍କୁ ଆହ୍ୱାନ ଦେଇଥିଲେ। ସେ ସୁଶାସନ, ଉତ୍ତର ଦାୟିତ୍ୱ ଓ ପାରଦର୍ଶିତା ଉପରେ ଗୁରତ୍ୱ ଦେବା ସହ ଦେଶବାସୀଙ୍କ ସାମର୍ଥ୍ୟକୁ ଲଗାଇ ସମସ୍ୟା ସମାଧାନ ପାଇଁ ଆହ୍ୱାନ ଦେଇଥିଲେ। ଆଗାମୀ ଦିନରେ ଦିନକୁ ଶହେ କିଲୋମିଟର ଗ୍ରାମୀଣ ରାସ୍ତା ତିଆରି କରାଯିବାକୁ ଲକ୍ଷ୍ୟ ରଖାଯାଇଥିବା ସେ କହିଥିଲେ।
ସେ ଆହୁରି କହିଥିଲେ, “୨ ବର୍ଷରେ ୩୫ ହଜାର କିଲୋମିଟର ରେଳ ପଥ ନିର୍ମାଣ କରାଯିବା ସହ ୬୦ ସପ୍ତାହ ମଧ୍ୟରେ ୪ କୋଟି ରନ୍ଧନ ଗ୍ୟାସ ସଂଯୋଗ କରାଯିବା।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
