ନୂଆଦିଲ୍ଲୀ: ବିଜେପିର ଜାତୀୟ ମୁଖପାତ୍ର ତଥା ପୁରୀ ଲୋକସଭା ଆସନରୁ ପ୍ରାର୍ଥୀ ହୋଇ ପରାସ୍ତ ହୋଇଥିବା ସମ୍ବିତ ପାତ୍ର ଆଜି ନିଜର ପ୍ଲାଜମା ଦେଇଛନ୍ତି। ସମ୍ବିତ ପାତ୍ର ଆଜି ଗୁରୁଗ୍ରାମ ସ୍ଥିତ ମେଦାନ୍ତ ହସ୍ପିଟାଲରେ ପ୍ଲାଜମା ଦେଉଥିବା ବେଳର ଫଟୋ ଟ୍ୱିଟ କରିଛନ୍ତି। ଗତମାସରେ ସମ୍ବିତ ପାତ୍ରଙ୍କ ଶରୀରରେ କରୋନା ଲକ୍ଷଣ ଦେଖାଯାଇଥିଲା। ଏହି କାରଣରୁ ସେ ମେଦାନ୍ତ ହସ୍ପିଟାଲରେ ଭର୍ତ୍ତି ହୋଇଥିଲେ। ତେବେ ତାଙ୍କର କରୋନା ଟେଷ୍ଟ ରିପୋର୍ଟ ପଜିଟିଭ ଆସିଥିଲା କି ନାହିଁ, ସେକଥା ଜଣାପଡ଼ି ନଥିଲା।
ତଥାପି କିଛି ଦିନ ସେ ହସ୍ପିଟାଲରେ ଚିକିତ୍ସା ହେବା ପରେ ଡିସଚାର୍ଜ ହୋଇଥିଲେ। ଡିସଚାର୍ଜ ବେଳେ ତାଙ୍କୁ ଘରେ ରହିବାକୁ କୁହାଯାଇଥିଲା। ହେଲେ କେବେ ବି ସମ୍ବିତ ପାତ୍ର କିମ୍ବା ଅନ୍ୟ କେହି ବି ସେ କରୋନାରେ ଆକ୍ରାନ୍ତ ହୋଇଥିବା କଥା କହି ନଥିଲେ। ହେଲେ ଆଜି ସମ୍ବିତ ପାତ୍ରା ପ୍ଲାଜମା ଦେଇ ସେ କରୋନା ଭାଇରସରେ ଆକ୍ରାନ୍ତ ହୋଇ ସୁସ୍ଥ ହୋଇଥିବା କଥାକୁ ପ୍ରମାଣିତ କରିଥିବା ଚର୍ଚ୍ଚା ହେଉଛି।
प्रधानमंत्री श्री @narendramodi जी ने @BJP4India के सभी कार्यकर्ताओं को “सेवाभाव” का मंत्र दिया है ..इससे प्रेरित हो एवं हमारे राष्ट्रीय अध्यक्ष श्री @JPNadda जी से आशीर्वाद प्राप्त कर मैंने आज PLASMA donation किया।
अनुरोध है COVID से स्वस्थ हुए सभी जो फ़िट है वो प्लाज़्मा दें🙏 pic.twitter.com/I7upfPQODq— Sambit Patra (@sambitswaraj) July 6, 2020
ସମ୍ବିତ ଟ୍ୱିଟ କରି କହିଛନ୍ତି, “ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଜେପିର ସମସ୍ତ କର୍ମକର୍ତ୍ତାଙ୍କୁ ସେବା ଭାବର ମନ୍ତ୍ର ଦେଇଛନ୍ତି। ଏହି ମନ୍ତ୍ରରୁ ପ୍ରେରଣା ପାଇ ଓ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ଆଶୀର୍ବାଦ ନେଇ ମୁଁ ଆଜି ପ୍ଲାଜମା ଦାନ କରିଛି। ମୁଁ ଅନୁରୋଧ କରୁଛି କି କୋଭିଡ୍ରୁ ସୁସ୍ଥ ହୋଇ ଫିଟ୍ ଥିବା ଲୋକମାନେ ପ୍ଲାଜମା ଦିଅନ୍ତୁ।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
