ତାମିଲନାଡ଼ୁ ଡିଜିପିଙ୍କୁ ଜେରା କଲା ସିବିଆଇ

ଚେନ୍ନାଇ: ବହୁଚର୍ଚ୍ଚିତ ଗୁଟ୍‌କା ଦୁର୍ନୀତି ମାମଲାରେ ତାମିଲନାଡ଼ୁ ଡିଜିପି ଆଶୁତୋଷ ଶୁକ୍ଲାଙ୍କୁ ସିବିଆଇ ଜେରା କରିଥିବା ସୂଚନା ମିଳିଛି। ୨୦୧୬ ମେ’ ମାସରେ ବିଧାନସଭା ନିର୍ବାଚନ ସମୟରେ ଶୁକ୍ଲା ଚେନ୍ନାଇ ପୁଲିସ୍‌ ଦାୟିତ୍ୱରେ ଥିବା ସମୟରେ ପୁଲିସ୍‌ କମିଶନର୍‌ଙ୍କ ଆକାଉଣ୍ଟରେ କିଛି ଟଙ୍କା ଆସିଥିବା ନେଇ ହୋଇଥିବା ଅଭିଯୋଗ ଆଧାରରେ ଏହି ଜେରା କରାଯାଇଛି।

ମିଳିଥିବା ସୂଚନା ଅନୁଯାୟୀ, ମେ’ ୮ ତାରିଖରେ ଶୁକ୍ଲାଙ୍କୁ ତାଙ୍କ କାର୍ଯ୍ୟାଳୟରେ ହିଁ ଜେରା କରାଯାଇଥିଲା। ଦ୍ୱିତୀୟ ଚାର୍ଜଶିଟ୍‌ ଦାଖଲ ପୂର୍ବରୁ ତାଙ୍କୁ ପୁଣି ପଚରାଉଚରା କରାଯିବାର ଅଛି।

ଏହି ପ୍ରସଙ୍ଗରେ ଶୁକ୍ଲା କହିଛନ୍ତି, ତାମିଲନାଡ଼ୁ ପୁଲିସ୍‌ ମୁଖ୍ୟ ଟିକେ ରାଜେନ୍ଦ୍ରନ୍‌ଙ୍କଠାରୁ ଏହି ବିଷୟରେ ସୂଚନା ପାଇଥିଲେ। ଇମାମ୍‌ ଅଲ୍ଲୀ ଅପରେସନ୍‌ରେ ତାଙ୍କର ଭୂମିକା ରହିଥିବାରୁ ତାଙ୍କୁ ଜେଡ୍‌ ସ୍ତରୀୟ ସୁରକ୍ଷା ଯୋଗାଇ ଦିଆଯାଇଛି। ତେଣୁ ଜେଲ୍‌ ମୁଖ୍ୟାଳୟରେ ବା ଶୁକ୍ଲାଙ୍କ କାର୍ଯ୍ୟାଳୟରେ ଏହି ପଚରାଉଚରା ହୋଇଥିଲା ବୋଲି ବିଶ୍ୱାସ କରାଯାଉଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।