ନୂଆଦିଲ୍ଲୀ: ବିପିଏଲ କାର୍ଡଧାରୀଙ୍କୁ ମୋଦି ସରକାର ଶସ୍ତାରେ ଖାଦ୍ୟ ସାମଗ୍ରୀ ଯୋଗାଇ ପାରନ୍ତି। ଗତବର୍ଷ ବଳକା ରହିଥିବା ଖାଦ୍ୟ ସାମଗ୍ରୀ ଚାଉଳ, ଚିନି, ଗହମ ଆଦି ଗୋଦାମରେ ଜମା ହୋଇ ରହିଛି। ତେଣୁ ନୂଆ ଖାଦ୍ୟ ସାମଗ୍ରୀ ରଖିବା ପାଇଁ ସ୍ଥାନ ନାହିଁ। ଏଭଳି ସ୍ଥିତିରେ ପୁରୁଣା ମହଜୁଦ ଖାଦ୍ୟ ସାମଗ୍ରୀକୁ ରିହାତି ଦରରେ ବିପିଏଲ କାର୍ଡଧାରୀକୁ ବାଣ୍ଟିବା ପାଇଁ ଫୁଡ କର୍ପୋରେସନ ଅଫ୍ ଇଣ୍ଡିଆ(ଏଫସିଆଇ) ସରକାରଙ୍କୁ ଏହି ପ୍ରସ୍ତାବ ଦେଇଛି। ଖୁବଶୀଘ୍ର କେନ୍ଦ୍ର ସରକାର ଏବାବଦରେ ନିଷ୍ପତ୍ତି ନେବେ ବୋଲି ଜଣାପଡ଼ିଛି।
କେନ୍ଦ୍ର ସରକାର ଯଦି ଏଫସିଆଇ ପ୍ରସ୍ତାବରେ ରାଜି ହୁଅନ୍ତି, ତା'ହେଲେ ୧୬. ୩ କୋଟି ଲୋକ ଉପକୃତ ହେବେ। ଏବେ ବିପିଏଲ କାର୍ଡଧାରୀଙ୍କୁ ୧୩.୫ ଟଙ୍କାରେ ଚିନି ମିଳୁଛି। ସେହିପରି ଖାଦ୍ୟ ସୁରକ୍ଷା ଆଇନ ଆଧାରରେ ଗହମ କିଲୋ ପିଛା ୨ଟଙ୍କା ଓ ଚାଉଳ ୩ଟଙ୍କାରେ ପ୍ରଦାନ କରାଯାଉଛି ।
ଯଦି ଏଫସିଆଇର ଏହି ପ୍ରସ୍ତାବକୁ ସରକାର ଗ୍ରହଣ କରନ୍ତି, ତାହେଲେ ୪ ହଜାର ୭୨୭ କୋଟି ଟଙ୍କାର ଅତିରିକ୍ତ ବୋଝ ସହିବାକୁ ହେବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
