ନୂଆଦିଲ୍ଲୀ: ଦୁଇ ସାଧ୍ୱୀଙ୍କୁ ଦୁର୍ଷ୍କମ ମାମଲାରେ ଦୋଷୀ ସାବ୍ୟସ୍ତ ହୋଇ ଡେରା ସଚ୍ଚା ସୌଦା ମୁଖ୍ୟ ଗୁରମିତ ରାମ ରହିମ ୨୦ ବର୍ଷ ଜେଲ ଦଣ୍ଡ ଭୋଗୁଛନ୍ତି। ଜେଲ୍ରେ ଥିବା ରାମ ରହିମଙ୍କ ଦିନଚର୍ଯ୍ୟା ନେଇ ଅନେକ ଖବର ମିଳୁଛି। ସେଥି ମଧ୍ୟରୁ ଅନେକ ଉଡ଼ା ଖବର ବୋଲି ଜଣାପଡ଼ିଛି। ସେ ଜେଲ୍ରେ କାନ୍ଦୁଥିବା ନେଇ ଯେଉଁ ଖବର ପ୍ରଚାର କରାଯାଉଛି ତାହା ମିଛ ବୋଲି କହିଛନ୍ତି ହରିଆଣାର ଜେଲ୍ ବିଭାଗ ଡିଜି। ସେ ଏକ ସାମ୍ବାଦିକ ସମ୍ମିଳନୀରେ ସେ କହିଛନ୍ତି,“ରାମ ରହିମ ସଂପୂର୍ଣ୍ଣ ଭାବେ ସୁସ୍ଥ ଅଛନ୍ତି। ଜେଲ୍ ପ୍ରଶାସନ ପକ୍ଷରୁ ତାଙ୍କୁ ଚାଷବାସ କାମ ଦିଆଯାଇଛି। ସେ ଦୈନିକ ୨୦ ଟଙ୍କା ପାରିଶ୍ରମିକରେ କାମ କରୁଛନ୍ତି। ତାଙ୍କର ବ୍ୟବହାର ଜଣେ ଅନୁଶାସିତ କଏଦୀଙ୍କ ଭଳି ରହିଛି।”
ସେ କହିଛନ୍ତି,“ରାମ ରହିମ ଜେଲ୍ରେ କେମିତି ଅଛନ୍ତି, କ’ଣ କରୁଛନ୍ତି- ଏସବୁକୁ ନେଇ ଯାହା ସବୁ ପ୍ରଚାର ହେଉଛି ସେଗୁଡ଼ିକ ମିଛ। ସେ ଜେଲ୍ରେ ଜଣେ ସାଧାରଣ କଏଦୀଙ୍କ ଭଳି ରହୁଛନ୍ତି।”