ଇସଲାମବାଦ: ଚୀନରୁ ୮ଟି ବୁଡାଜାହାଜ କିଣିବ ପାକିସ୍ତାନ। ନିଜର ନୌସେନାକୁ ଆହୁରି ଶକ୍ତିଶାଳୀ କରିବା ପାଇଁ ପାକିସ୍ତାନ କୋଟି କୋଟି ଟଙ୍କା ଖର୍ଚ୍ଚ କରି ଏହି ବୁଡାଜାହାଜ ଗୁଡିକୁ କିଣିବ। ଏନେଇ ଆଜି ପାକିସ୍ତାନରେ ବିଭିନ୍ନ ଗଣମାଧ୍ୟମରେ ଖବର ପ୍ରକାଶିତ ହୋଇଛି।
୮ଟି ବୁଡାଜାହାଜ କଣିବା ନେଇ ପାକିସ୍ତାନର ଅର୍ଥମନ୍ତ୍ରୀ ଇଶାକ୍ ଦର ଓ ଚୀନ ସରକାରଙ୍କ ଦ୍ୱାରା ପରିଚାଳିତ ଚୀନ ସିପବିଲଡିଂ ଆଣ୍ଡ ଅଫସୋର ଇଣ୍ଟରନେସନାଲ କମ୍ପାନୀ ଲିମିଟେଡ୍ ( ଏସସିଓସି)ର ମୁଖ୍ୟ ଜୁ ଜୀକିନଙ୍କ ମଧ୍ୟରେ ଇସଲାମବାଦରେ ଏକ ଚୁକ୍ତି ସ୍ୱାକ୍ଷରିତ ହୋଇଛି। ତେବେ ପାକିସ୍ତାନର ଅର୍ଥ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ ଏହି ଚୁକ୍ତି ଚୂଡାନ୍ତ ହୋଇନାହିଁ। ଉଚ୍ଚ କର୍ତ୍ତୃପକ୍ଷ ସମୀକ୍ଷା ପରେ ଯାଇ ଚୁକ୍ତି ଚୂଡାନ୍ତ ହେବ।