ନୂଆଦିଲ୍ଲୀ: ମହାମାରୀ କରୋନାକୁ ମାତ ଦେବା ପାଇଁ ଭାରତ ମେଡିସନ ପାଇଁ ଜୋରଦାର ପ୍ରକ୍ରିୟା ଆରମ୍ଭ କରିଛି। ଏବେ କରୋନା ସଂକ୍ରମଣ ଓ ନିରାକରଣ ପାଇଁ ଆୟୁଷ ମେଡିସିନ ଗୁଡ଼ିକର କ୍ଲିନିକାଲ ଟ୍ରାଏଲ ଆରମ୍ଭ କରାଯାଇଛି।
ଏ ସମ୍ପର୍କରେ ଆଜି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡା.ହର୍ଷବର୍ଦ୍ଧନ ସୂଚନା ଦେଇଛନ୍ତି। ସେ କହିଛନ୍ତି, ଗୁରୁବାର ଠାରୁ ହିଁ ସ୍ୱାସ୍ଥ୍ୟକର୍ମୀ ଓ ଅତ୍ୟନ୍ତ ସମ୍ବେଦନଶୀଳ କାମ କରୁଥିବା ଲୋକଙ୍କ ଉପରେ ଆୟୁଷ ମେଡିସନର କ୍ଲିନିକାଲ ପରୀକ୍ଷଣ କରାଯାଇଛି।
କରୋନା ବିରୋଧୀ ଯୁଦ୍ଧରେ ଆୟୁର୍ବେଦ ଔଷଧ ଲାଭ ଦାୟକ ହେବ ବୋଲି ଆମର ଆଶା। ଏଥିପାଇଁ ଅଶ୍ୱଗନ୍ଧା, ଜଷ୍ଟିମଧୁ, ଗୁଡୁଚି ପିପ୍ପଲୀ ଓ ପଲି ହର୍ବାଲ ଫର୍ମେସନର ଆୟୁଷ-୬୪ ଭଳି ଔଷଧର କ୍ଲିନକାଲ ଟ୍ରାଏଲ ଆରମ୍ଭ ହୋଇଛି।
ଏହି ପରୀକ୍ଷଣକୁ ଆୟୁଷ ମନ୍ତ୍ରଣାଳୟ, ସ୍ୱାସ୍ଥ୍ୟ ମନ୍ତ୍ରଣାଳୟ ଓ ଆଇସିଏମଆର ମିଳିତ ଭାବେ ଦେଖାଶୁଣା କରୁଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
