ନୂଆଦିଲ୍ଲୀ: ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭାରତର ନିର୍ବାଚନକୁ `ଗଣତନ୍ତ୍ରର ମହାକୁମ୍ଭ’ ବୋଲି କହିବା ସହିତ କହିଛନ୍ତି ବିଶ୍ୱବାସୀ ଭାରତ ଆସି ନିର୍ବାଚନ କେମିତି ହୁଏ ଅନୁଭବ କରିବା ଉଚିତ। ରାଜଧାନୀ ନୂଆଦିଲ୍ଲୀଠାରେ ୧୯୦ଟି ଦେଶର ପ୍ରବାସୀ ଭାରତୀୟ ପ୍ରତିନିଧିମାନଙ୍କୁ ଉଦବୋଧନ ଦେବା ଅବସରରେ ଏହି କଥା କହିଛନ୍ତି।
ସେ କହିଛନ୍ତି, ଆଗାମୀ ନିର୍ବାଚନରେ ୮୦ କୋଟି ଭୋଟର ଭୋଟ ଦେବେ ଏବଂ ଗଣତାନ୍ତ୍ରିକ ଉପାୟରେ ଏକ ସରକାର ନିର୍ବାଚିତ କରିବେ।
ସେ କହିଛନ୍ତି, ଭାରତର ଗଣତାନ୍ତ୍ରିକ ଉପାୟ ସମଗ୍ର ବିଶ୍ବରେ ବୃହତ୍ତମ। ମୁଁ ନିର୍ବାଚନ କମିଶନଙ୍କୁ କହିଛି ସେ ନିର୍ବାଚନ ପର୍ଯ୍ୟଟନ ପାଇଁ ସମଗ୍ର ବିଶ୍ୱବାସୀଙ୍କୁ ନିମନ୍ତ୍ରଣ କରିବେ। ସେମାନେ ଏଠି ଆସି ଦେଖିବା ଦରକାର ଗଣତନ୍ତ୍ର କିଭଳି ଭାବରେ ଭାରତୀୟଙ୍କ ରକ୍ତରେ ରହିଛି ଏବଂ କିଭଳି ଭାବରେ ଭାରତୀୟମାନେ ଏପରିକି ଗାଁ ଲୋକମାନେ ନିର୍ବାଚନୀ ପ୍ରକ୍ରିୟାରେ ଯୋଡ଼ିହେଉଛନ୍ତି। ଗାଁର ଲୋକେ ମଧ୍ୟ ଜାଣୁଛନ୍ତି ଦେଶରେ କ’ଣ ଚାଲିଛି ଏବଂ ସେହି ଅନୁସାରେ ଭୋଟ୍ ଦେଉଛନ୍ତି।
ଆମେ ଯଦି ଏପରି ବୃହତ ଆକାରରେ କୁମ୍ଭ ଆୟୋଜନ କରିପାରିବା ଗଣତନ୍ତ୍ରରେ ବିଶ୍ୱାସ ରଖୁଥିବା ଲୋକେ ନିଶ୍ଚୟ ଅନୁପ୍ରାଣିତ ହେବେ ବୋଲି ସେ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
