ନୂଆଦିଲ୍ଲୀ: ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ୩୦୮ ଛୁଇଁଛି। ଦେଶରେ ମୋଟ୍ ୯,୧୭୨ ଜଣ କରୋନାରେ ଆକ୍ରାନ୍ତ ହୋଇଥିବାବେଳେ ୭,୯୮୭ ଜଣ ଚିକିତ୍ସାଧୀନ ରହିଛନ୍ତି। ୮୫୭ ଜଣ ହସ୍ପିଟାଲରୁ ଡିସଚାର୍ଜ ହୋଇଛନ୍ତି। ମହାରାଷ୍ଟ୍ରରେ ସର୍ବାଧିକ ୧୪୯ ଜଣଙ୍କ ମୃତ୍ୟୁ ଘଟିଛି ବୋଲି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ସୋମବାର ସକାଳୁ ଏହି ରିପୋର୍ଟ ଦେଇଛି। ରବିବାର ରାତି ସୁଦ୍ଧା ଦେଶରେ କରୋନା ମୃତ୍ୟୁ ସଂଖ୍ୟା ୨୭୩ ପହଞ୍ଚିଥିଲା।
ସେହିପରି ନାଗାଲାଣ୍ଡରେ ପ୍ରଥମ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏବେ ଆକ୍ରାନ୍ତ ଜଣଙ୍କ ଆସାମର ଗୌହାଟିର କୋଭିଡ-୧୯ ହସ୍ପିଟାଲରେ ଭର୍ତ୍ତି ହୋଇଛନ୍ତି। ଆସାମାର ସ୍ୱାସ୍ଥ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା ଟୁଇଟ୍ କରି ଏହି ସୂଚନା ଦେଇଛନ୍ତି।
ରବିବାର ସଂଧ୍ୟାରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଦିଆଯାଇଥିବା ତଥ୍ୟ ଅନୁଯାୟୀ, ମହାରାଷ୍ଟ୍ରରେ ସର୍ବାଧିକ ୧,୭୬୧ ଆକ୍ରାନ୍ତ ଚିହ୍ନଟ କରାଯାଇଛି। ଏହି ରାଜ୍ୟରେ ୧୨୭ ଜଣଙ୍କ ଜୀବନ ଗଲାଣି। ସେହିଭଳି ଦିଲ୍ଲୀରେ ୧୦୬୯ ଆକ୍ରାନ୍ତ ଥିବାବେଳେ ୧୯ ଜଣଙ୍କ ଜୀବନ ଯାଇଛି। ତାମିଲନାଡ଼ୁରେ ୯୬୯ ଆକ୍ରାନ୍ତ ଥିବାବେଳେ ମୋଟ ୧୦ ଜଣଙ୍କ ଜୀବନ ଯାଇଛି। ସେହିଭଳି ରାଜସ୍ତାନରେ ୭୦୦ ଜଣ ଆକ୍ରାନ୍ତ ଅଛନ୍ତି। ଏହି ରାଜ୍ୟରେ ୩ ଜଣଙ୍କ ମୃତ୍ୟୁ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
