ନୂଆଦିଲ୍ଲୀ: ସିବିଆଇ ମହାକଳିରେ ଏବେ ନୂଆ ଟୁଇଷ୍ଟ ଆସିଛି। ଦିଲ୍ଲୀ ହାଇକୋର୍ଟ ଏବେ ଛୁଟିରେ ଥିବା ସିବିଆଇ ମୁଖ୍ୟ ଆଲୋକ ବର୍ମା ଓ ସିବିଆଇର ଯୁଗ୍ମ ନିର୍ଦ୍ଦେଶକ ଏକେ ଶର୍ମାଙ୍କୁ ସ୍ୱତନ୍ତ୍ର ନିର୍ଦ୍ଦେଶକ ରାକେଶ ଆସ୍ଥାନାଙ୍କ ବିରୋଧରେ ରୁଜୁ ଏଫଆଇଆର ଫାଇଲ୍ ତର୍ଜମା କରିବାକୁ ଅନୁମତି ଦେଇଛନ୍ତି। ସିଭିସି ଅଫିସରେ ଏହି ଫାଇଲ ଥିବା ବେଳେ ଏହାକୁ ଏବେ ଶ୍ରୀ ବର୍ମା ଓ ଶ୍ରୀ ଶର୍ମା ଛାନଭିନ୍ କରିବେ।
ହାଇକୋର୍ଟ ବିଚାରପତି ଜଷ୍ଟିସ୍ ନଜିମ ୱାଜିରି କହିଛନ୍ତି, ଶ୍ରୀ ବର୍ମା ଆସନ୍ତାକାଲି ସିଭିସି ଅଫିସ୍ ଯିବେ ଏବଂ ଶ୍ରୀ ଆସ୍ଥାନାଙ୍କ ଲାଞ୍ଚ ମାମଲାର ଫାଇଲ୍କୁ ତର୍ଜମା କରିପାରିବେ। ଏଥିସହ ଡିସେମ୍ବର ୭ ଯାଏ ଆସ୍ଥାନାଙ୍କ ମାମଲାରେ ସ୍ଥିତାବସ୍ଥା ବଜାୟ ରଖିବାକୁ କୋର୍ଟ ସିବିଆଇକୁ ନିର୍ଦ୍ଦେଶ ଦେଇଛନ୍ତି।
ଆସ୍ଥାନା ଜଣେ ବ୍ୟବସାୟୀଙ୍କଠାରୁ ୨ କୋଟି ଟଙ୍କା ଲାଞ୍ଚ ନେଇଥିବା ଅଭିଯୋଗ ହୋଇଛି। ଏନେଇ ଶ୍ରୀ ବର୍ମା ଏକ ଏଫ୍ଆଇଆର୍ ମଧ୍ୟ ରୁଜୁ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
