କଲମ୍ବୋ: ଶ୍ରୀଲଙ୍କାରେ ରବିବାର ସିରିଜ ବିସ୍ଫୋରଣରେ ପ୍ରାଣ ହରାଇଥିବା ୨୯୦ ଜଣଙ୍କ ମଧ୍ୟରେ ପ୍ରାୟ ୪୦ ଜଣ ବିଦେଶୀ ନାଗରିକ ରହିଛନ୍ତି। ତେବେ ଏମାନଙ୍କ ମଧ୍ୟରେ ଗୋଟିଏ ପରିବାରର ୩ ଜଣ ପିଲା ରହିଛନ୍ତି। ଏହି ୩ ଜଣ ହେଉଛନ୍ତି ଡେନମାର୍କର ସବୁଠାରୁ ଧନୀ ବ୍ୟକ୍ତି ଆଣ୍ଡ୍ରେସ ହୋଲଚ୍ ପୋଭଲସେନ୍ଙ୍କ ସନ୍ତାନ। ଏମାନେ ଶ୍ରୀଲଙ୍କାରେ ଛୁଟି କାଟିବା ପାଇଁ ଆସିଥିଲେ।
ଆଣ୍ଡ୍ରେସ, ତାଙ୍କ ପତ୍ନୀ ଓ ୪ ଜଣ ସନ୍ତାନ ଶ୍ରୀଲଙ୍କାକୁ ବୁଲିବାକୁ ଆସିଥିଲେ। ଦୁର୍ଭାଗ୍ୟବଶତଃ, ଶ୍ରୀଲଙ୍କାର ୩ଟି ଚର୍ଚ୍ଚ ଓ ୩ଟି ପଞ୍ଚ ତାରକା ହୋଟେଲ୍ରେ ଆତ୍ମଘାତୀ ଆତଙ୍କବାଦୀ ବିସ୍ଫୋରଣ ଘଟାଇଥିଲେ। ଆଣ୍ଡ୍ରେସ,ତାଙ୍କ ପତ୍ନୀ ଓ ଜଣେ ସନ୍ତାନ ବର୍ତ୍ତି ଯାଇଥିଲେ ହେଁ ଅନ୍ୟ ୩ ଜଣ ଏହି ବିସ୍ଫୋରଣରେ ପ୍ରାଣ ହରାଇଛନ୍ତି। ଏ ସମ୍ପର୍କରେ ଆଣ୍ଡ୍ରେସଙ୍କ ଫ୍ୟାଶନ୍ କମ୍ପାନୀର ମୁଖପାତ୍ର ସୂଚନା ଦେଇଥିଲେ ହେଁ କେଉଁଠି ଏବଂ କେଉଁ ସ୍ଥିତିରେ ସେମାନଙ୍କ ମୃତ୍ୟୁ ଘଟିଛି, ସେ ବିଷୟରେ କିଛି କହିନାହାନ୍ତି।
ଆଣ୍ଡ୍ରେସ ହେଉଛନ୍ତି ଫ୍ୟାଶନ ଫାର୍ମ ବେଷ୍ଟ ସେଲରର ମାଲିକ। ତାଙ୍କ କମ୍ପାନୀ ଫ୍ୟାଶନ ଓ ପୋଷାକ ବ୍ୟବସାୟ ପାଇଁ ପ୍ରସିଦ୍ଧ। ସେ ଦେଶର ସବୁଠାରୁ ଧନୀ ବ୍ୟକ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
