ନୂଆଦିଲ୍ଲୀ: କରୋନା ଟିକା କେମିତି ଦିଆଯିବ ସେନେଇ ଚାରି ରାଜ୍ୟରେ ମକ୍ ଡ୍ରିଲ୍ ବା ଡ୍ରାଏ ରନ୍ ପରେ ଏବେ ସାରା ଦେଶରେ ଏହି ଡ୍ରାଏ ରନ୍ ହେବ। କେନ୍ଦ୍ର ସରକାର ଏ ନେଇ ସମସ୍ତ ରାଜ୍ୟ ଏବଂ କେନ୍ଦ୍ର ଶାସିତ ଅଞ୍ଚଳର ସ୍ୱାସ୍ଥ୍ୟ ସଚିବଙ୍କୁ ଅବଗତ କରାଇଛନ୍ତି।
ଜାନୁଆରୀ ୨ (ଶନିବାର) ଅପରାହ୍ନରେ ଡ୍ରାଏ ରନ୍ କରିବାକୁ କହିଛନ୍ତି କେନ୍ଦ୍ର ସରକାର। ଏଥିପାଇଁ ପ୍ରତ୍ୟେକ ରାଜ୍ୟ ଏବଂ କେନ୍ଦ୍ର ଶାସିତ ଅଞ୍ଚଳରେ ଏକ କେନ୍ଦ୍ର ସ୍ଥାପନ କରିବାକୁ କେନ୍ଦ୍ର କହିଛି। ଯେଉଁଠି ଏହି ମକ୍ ଡ୍ରିଲ୍ ବା ଡ୍ରାଏ ରନ୍ ହୋଇପାରିବ। ନିକଟରେ ଦେଶର ୪ ଟି ରାଜ୍ୟରେ ଡିସେମ୍ବର ୨୯ ଏବଂ ୩୦ ରେ ଡ୍ରାଏ ରନ୍ ହୋଇଥିଲା।
ଡ୍ରାଏ ରନର ଅର୍ଥ ହେଉଛି ଡାକ୍ତର ଏବଂ ସମସ୍ତ ସ୍ୱାସ୍ଥ୍ୟ କର୍ମଚାରୀ ଟିକାକରଣର ପ୍ରକ୍ରିୟାର ଅଭ୍ୟାସ କରିବା। ଏହାକୁ ଟିକାକରଣର ଏକ ମକଡ୍ରିଲ୍ ବୋଲି ମଧ୍ୟ କହିହେବ। ସରକାର ଏହି ମକଡ୍ରିଲ ବାବଦରେ ଜାଣିବା ପାଇଁ କୋ-ୱିନ୍ ନାମକ ଏକ ମୋବାଇଲ୍ ଆପ ଉପରେ ଗୁରୁତ୍ୱ ଦେଉଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
