ନୂଆଦିଲ୍ଲୀ: ପାକିସ୍ତାନ ଓ ଆଫଗାନିସ୍ତାନ-ତାଜାକିସ୍ତାନ ସୀମାରେ ଥିବା ହିନ୍ଦୁକୁଶ ପର୍ବତ ମାଳାରେ ରବିବାର ଅପରାହ୍ଣ ୩ଟା ୫୮ରେ ୬.୮ ତୀବ୍ରତାର ଶକ୍ତିଶାଳୀ ଭୂମିକମ୍ପ ଅନୁଭୂତ ହୋଇଛି। ଖବର ଲେଖାଯିବା ପର୍ଯ୍ୟନ୍ତ ପାକିସ୍ତାନରେ ୨ ଜଣଙ୍କର ପ୍ରାଣହାନି ଘଟିଥିବା ବେଳେ ୪ ଜଣ ଗୁରୁତର ହୋଇଛନ୍ତି। ଏହାସହ ବହୁ ଅଞ୍ଚଳରେ ଘର ସବୁ ଭାଙ୍ଗି ଯାଇଥିବା ଖବର ମିଳିଛି। ଭୟଭୀତ ହୋଇ ଲୋକମାନେ ରାସ୍ତା ଉପରକୁ ଚାଲିଥିଲେ।
ଏହାର ପ୍ରଭାବରେ ଥରିଛି ୟୁରୋପ ଓ ଉତ୍ତର ଭାରତର ଉତ୍ତରାଖଣ୍ଡ, କାଶ୍ମୀର,ଗୁରୁଗାଁ,ନୂଆଦିଲ୍ଲୀ ଓ ନୋଇଡାର ଲୋକେ ଝଟକା ପାଇଛନ୍ତି। କିଛି ସମୟ ପାଇଁ ନୂଆଦିଲ୍ଲୀ ମେଟ୍ରୋ ବନ୍ଦ ରହିଥିଲା।
ଗତ ଅକ୍ଟୋବର ୨୬ରେ ୭.୫ ତୀବ୍ରତାର ଭୂମିକମ୍ପ ଫଳରେ ୩୦୦ ଜଣ ପ୍ରାଣହାନି ଘଟିଥିବା ବେଳେ ୧୦୦୦ରୁ ଅଧିକ ଘର ଭାଙ୍ଗି ମାଟିରେ ମିଶିଯାଇଥିଲା।