୪ ବର୍ଷର ଝିଅ କାନ୍ଦିଲା ବୋଲି ତଣ୍ଟି ଚିପି ଦେଲା ବାପା

ଗାଜିଆବାଦ: ଝିଅର କାନ୍ଦକୁ ବନ୍ଦ ସମ୍ଭାଳି ପାରିଲାନି ବାପା । ଶେଷରେ ତଣ୍ଟି ଚିପି ହତ୍ୟା କରିଛି ସଇତାନ ବାପା । କେବଳ ସେତିକି ନୁହେଁ ହତ୍ୟା କରିବା ପରେ ଝିଅର ମୃତ ଦେହକୁ ପ୍ରାୟ ୬ ଘଂଟା ଅଟୋ ରିକ୍ସାରେ ଧରି ବୁଲିଥିଲା ଅଭିଯୁକ୍ତ ବାପା। ୟୁପି ଗାଜିଆବାଦରେ ଏହି ଅମାନୁଷିକ ଘଟଣା ଘଟିଛି ।

ଗାଜିଆବାଦର ୨୮ ବର୍ଷୀୟ ବାସୁଦେବ ଗୁପ୍ତା ନାମକ ଜଣେ ବ୍ୟକ୍ତିଙ୍କ ୪ ବର୍ଷର ଝିଅ, ମା’ ଓ ଭାଇକୁ ମନେ ପକାଇ କାନ୍ଦୁଥିଲା । ବାସୁଦେବକୁ ଝିଅକୁ ବହୁ ବୁଝାସୁଝା କରିଥିଲେ। ତଥାପି ଝିଅର କାନ୍ଦ ବନ୍ଦ ବନ୍ଦ ହୋଇନଥିଲା । ଏଥିରେ ବିରକ୍ତି ହୋଇ ବାସୁଦେବ ତାଙ୍କ ୪ ବର୍ଷର ଝିଅକୁ ତଣ୍ଟି ଚିପି ହତ୍ୟା କରିଥିବା ଅଭିଯୋଗ ହୋଇଛି। କେବଳ ସେତିକି ନୁହେଁ ହତ୍ୟା କରିବା ପରେ ଝିଅର ମୃତ ଦେହକୁ ସେ ଅଟୋ ରିକ୍ସାରେ ଧରି ୬ ଘଣ୍ଟା ନିଜ ସ୍ତ୍ରୀକୁ ଖୋଜିବା ପାଇଁ ବୁଲିଛନ୍ତି । ବାସୁଦେବକୁ ପୁଲିସ ଏବେ ଗିରଫ କରିଛି।

ପୁଲିସର ସୂଚନା ମୁତାବକ, ବାସୁଦେବ ପେଶାରେ ଜଣେ ଅଟୋ ଡ୍ରାଇଭର। ପାରିବାରିକ ବିବାଦ ଯୋଗୁଁ ଗତ ୨୦ ଦିନ ହେବ ବାସୁଦେବଙ୍କୁ ତାଙ୍କ ପତ୍ନୀ ଛାଡି କୁଆଡେ ପଳାଇଛନ୍ତି । ସେ ୩ ବର୍ଷର ପୁଅକୁ ସାଙ୍ଗରେ ନେଇ ପଳାଇଥିବା ବେଳେ ୪ ବର୍ଷର ଝିଅ ଆଦିତିଙ୍କୁ ସ୍ୱାମୀ ବାସୁଦେବ ପାଖରେ ଛାଡି ଯାଇଥିଲେ। ପୁଲିସ ନୋଏଡା ସେକ୍ଟର ୧୧ରୁ ବାସୁଦେବଙ୍କୁ ଗିରଫ କରିଛି। ତାଙ୍କୁ ନିକଟରୁ ଝିଅର ମୃତ ଦେହ ଉଦ୍ଧାର କରିବା ସହ ଦଫା ୩୦୨ରେ ମାମଲା ରୁଜୁ କରିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।