ମୁମ୍ବାଇ: 'ଲୈଲା ମଜ୍ନୁ' ଏବଂ 'ତରାନ୍ନା' ପରି ଫିଲ୍ମରେ ଅଭିନୟ କରିଥିବା ଅଭିନେତ୍ରୀ ରଞ୍ଜିତା କୌରଙ୍କ ନାମରେ ଅଭିଯୋଗ ଆସିଛି ସେ ତାଙ୍କ ସ୍ୱାମୀ ରାଜ୍ ମସନ୍ଦଙ୍କୁ ନିର୍ଯାତନା ଦେଉଛନ୍ତି। ରାଜ୍ ଏନେଇ ହେଲ୍ପ ଲାଇନ୍ ଯୋଗେ ପୁଣେର କୋରେଗାଓଁ ପାର୍କ ପୁଲିସ୍ ଥାନାରେ ଅଭିଯୋଗ କରିଛନ୍ତି। ସେ ତାଙ୍କ ପତ୍ନୀଙ୍କ ବ୍ୟତୀତ ପୁଅ ନାଁରେ ମଧ୍ୟ ଅଭିଯୋଗ ଆଣିଛନ୍ତି।
ପୁଲିସ୍ ରିପୋର୍ଟ ଅନୁଯାୟୀ, ରଞ୍ଜିତା ତାଙ୍କ ସ୍ୱାମୀ ରାଜ୍ଙ୍କୁ ନିର୍ଯାତନା ଦେବା ସହ ମାରିଦେବାକୁ ଧମକାଇଛନ୍ତି। ସେ ଅଭିଯୋଗ କରିବା ପରେ ନିର୍ଯାତନାର ମାତ୍ରା ବଢ଼ିଯାଇଥିଲା। ପରେ ପୁଲିସ୍ ଦଫା ୩୨୩ ଏବଂ ୫୦୪ରେ ମାମଲା ରୁଜୁ କରିଥିଲା।
ମସନ୍ଦ ଏହାପରେ ୩ ଦିନ ପାଇଁ ପୁନା କ୍ଲବ୍ରେ ରହୁଥିଲେ। ତାଙ୍କ ଅଭିଯୋଗ ପରେ ପୁଲିସ୍ ତାଙ୍କ ପତ୍ନୀ ଏବଂ ପୁଅଙ୍କୁ ସମନ୍ କରିଛି। ରଞ୍ଜିତା ରାଜଶ୍ରୀ ପ୍ରଡକ୍ସନ୍ର ଅନେକ ଫିଲ୍ମରେ କାମ କରିଛନ୍ତି। ସେ ରାଜ୍ ବବର, ରାଜ୍ କିରନ୍, ଦୀପକ ପରାଶର ଏବଂ ଅମୋଲ ପାଲେକରଙ୍କ ସହ ନାୟିକା ଭୂମିକାରେ ଅଭିନୟ କରିଛନ୍ତି।