ପ୍ୟାରିସ: ଏବେ କୁଖ୍ୟାତ ଆତଙ୍କବାଦୀ ସଂଗଠନ ଜୈଶର ପ୍ରତିଷ୍ଠାତା ମାସୁଦ ଆଝାର ବିରୋଧରେ ଅଣ୍ଟା ଭିଡ଼ିଛି ଫ୍ରାନ୍ସ। ମାସୁଦକୁ ବିଶ୍ୱସ୍ତରୀୟ ଆତଙ୍କବାଦୀ ଘୋଷଣା କରିବାକୁ ଫ୍ରାନ୍ସ ଜାତିସଂଘରେ ଏକ ପ୍ରସ୍ତାବ ଆଗତ କରିବ ବୋଲି ଆଜି ସୂଚନା ଦେଇଛି।
ଯଦି ଫ୍ରାନ୍ସ ଜାତିସଂଘରେ ମାସୁଦକୁ ଆତଙ୍କବାଦୀ ଘୋଷଣା କରେ, ତା’ହେଲେ ଏହା ଦେଶର ଦ୍ୱିତୀୟ ପ୍ରୟାସ ହେବ। ୨୦୧୭ରେ ଫ୍ରାନ୍ସ ଜାତିସଂଘରେ ମାସୁଦ ବିରୋଧରେ ପ୍ରସ୍ତାବ ଆଗତ କରିଥିଲା। ଏହାକୁ ଆମେରିକା ଓ ବ୍ରିଟେନ୍ ସମର୍ଥନ କରିଥିଲେ। ତେବେ ଭିଟୋ ପାୱାର ବଳରେ ଚୀନ୍ ଏହାକୁ ପାସ ହେବାକୁ ଦେଇ ନ ଥିଲା।
ପୁଲୱାମା ଆତଙ୍କବାଦୀ ଆକ୍ରମଣ ପଛରେ ମାସୁଦର ହାତ ଥିବା ସ୍ପଷ୍ଟ ହେବା ପରେ ଭାରତ ତା’ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଉଦ୍ୟମ ଆରମ୍ଭ କରିଛି। ଏହିକ୍ରମରେ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ଓ ଫ୍ରାନ୍ସ ରାଷ୍ଟ୍ରପତିଙ୍କ କୂଟନୀତିକ ପରାମର୍ଶଦାତା ଫିଲିପ୍ ଇଣ୍ଟେନେଙ୍କ ସହ କଥା ହୋଇଥିଲେ। ଏହାପରେ ଫ୍ରାନ୍ସ ପକ୍ଷରୁ କୁହାଯାଇଛି ଯେ, “ଏହି କିଛି ଦିନ ମଧ୍ୟରେ ମାସୁଦକୁ ଆତଙ୍କବାଦୀ ଘୋଷଣା କରିବାକୁ ଏକ ପ୍ରସ୍ତାବ ଜାତିସଂଘରେ ପୁଣି ଆଗତ କରାଯିବ।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
