ନୂଆଦିଲ୍ଲୀ: ମହାମାରୀ କରୋନାର ମୁକାବିଲା କରିବା ପାଇଁ ସମସ୍ତେ ଫେସ୍ ମାସ୍କ, ସାନିଟାଇଜର ଉପରେ ଗୁରୁତ୍ୱ ଦେଉଛନ୍ତି। ଏଭଳି ସ୍ଥିତିରେ କଳାବଜାରୀ ମଧ୍ୟ ବଢ଼ିଛି। ଲୋକଙ୍କ ଚାହିଦା ଓ ମହାମାରୀରେ ଆକ୍ରାନ୍ତଙ୍କ ସଂଖ୍ୟାକୁ ଦୃଷ୍ଟିରେ ରଖି କେନ୍ଦ୍ର ସରକାର ମାସ୍କ ଓ ସାନିଟାଇଜରର ଦାମ କମାଇଛନ୍ତି। ଶୁକ୍ରବାର କେନ୍ଦ୍ର ଖାଦ୍ୟ ଓ ଉପଭୋକ୍ତା ମନ୍ତ୍ରୀ ରାମ ବିଳାଶ ପାଶଓ୍ୱାନ୍ ଏ ନେଇ ସୂଚନା ଦେଇଛନ୍ତି।
https://twitter.com/irvpaswan/status/1241017520200400896
କେନ୍ଦ୍ରମନ୍ତ୍ରୀଙ୍କ ନିର୍ଦ୍ଦେଶକ୍ରମେ ଦେଶର ସର୍ବବୃହତ ସାନିଟାଇଜର କମ୍ପାନୀ ହିନ୍ଦୁସ୍ଥାନ ୟୁନିଲିଭର ଲିମିଟେଡ ହ୍ୟାଣ୍ଡ ଓ୍ୱାଶର ଦାମ ୧୫ ପ୍ରତିଶତ ହ୍ରାସ କରିଛି।
ସୂଚନା ଅନୁଯାୟୀ, ୨ପ୍ଲାଏ ମାସ୍କର ଦାମ ୮ରୁ ଅଧିକ ଟଙ୍କା ହେବ ନାହିଁ। ୩ପ୍ଲାଏ ମାସ୍କର ଦାମ ୧୦ ଟଙ୍କାରୁ ଅଧିକ ହେବନି। ସେହିପରି ୨୦୦ ମିଲିଲିଟର ସାନିଟାଇଜରର ଦାମ ୧୦୦ରୁ ଅଧିକ ହେବନି। ଏହି ଦାମ ୩୦ ଜୁନ୍ ୨୦୨୦ ପର୍ଯ୍ୟନ୍ତ ଲାଗୁ ହେବ ବୋଲି କେନ୍ଦ୍ରମନ୍ତ୍ରୀ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
