୧୩ ବର୍ଷ ତଳେ ଉଗ୍ରରୂପ ଦେଖାଇ ଥିଲା ପ୍ରକୃତି : କୁଢେଇ ଥିଲା ଅଢେଇ ଲକ୍ଷ ଶବ, ଆଉ ଆଜି….ଦେଖନ୍ତୁ ଭିଡିଓ

<p>ଭୁବନେଶ୍ୱର: ମାନବ ଇତିହାସରେ ସବୁଠୁ ଧ୍ୱଂସକାରୀ ପ୍ରାକୃତିକ ବିପର୍ଯ୍ୟୟ ସୁନାମି । ୧୩ ବର୍ଷ ତଳେ ସୁନାମିର ଉଗ୍ରରୂପରେ ଥରିଉଠିଥିଲା ଭାରତୀୟ ମହାସାଗର ସଂଲଗ୍ନ ରାଷ୍ଟ୍ରଗୁଡ଼ିକ। &nbsp;ଭାରତ ସମେତ ୧୪ଟି ଦେଶରେ ଖେଳିଯାଇଥିଲା ମୃତ୍ୟୁର ବିଭୀଷିକା। &nbsp;ପାଖାପାଖି ଅଢ଼େଇ ଲକ୍ଷ ଲୋକଙ୍କ ଶବ ବିଛାଇ ହୋଇଗଲା ସବୁଠି। &nbsp;ସେଦିନର ପ୍ରକୃତିର ସେହି ତାଣ୍ଡବ ଆଜି ବି ମନେପଡ଼ିଲେ ଦେହ ଶୀତେଇ ଉଠେ। &nbsp;ହେଲେ ଆଗକୁ ଯଦି ଏଭଳି ମାରାତ୍ମକ ସୁନାମି ଆସେ, ତେବେ କେମିତି ବର୍ତ୍ତିପାରିବେ ଲୋକେ ? କେମିତି ଏହାର ମୁକାବିଲା କରାଯାଇପାରିବ ? ସେନେଇ ଆଜି ରାଜ୍ୟର ଉପକୂଳବର୍ତ୍ତୀ ୬ଟି ଜିଲ୍ଲାରେ ହୋଇଥିଲା ମକଡ୍ରିଲ୍। &nbsp;ଆଉ &nbsp;ଲୋକଙ୍କୁ କରାଯାଇଥିଲା ସତର୍କ।</p><p>&lt;span style=&quot;color: #ff0000;&quot;&gt;ସକାଳେ କ&rsquo;ଣ ଘଟିଲା&lt;/span&gt;</p><p>ସମୟ ସକାଳ ସାଢ଼େ ୯ଟା। &nbsp;ଜିଲ୍ଲା ଜରୁରୀକାଳୀନ କାର୍ଯ୍ୟାଳୟକୁ ଆସିଲା ଜରୁରୀ ବାର୍ତ୍ତା । ବାର୍ତ୍ତା ଥିଲା ଆଣ୍ଡାମାନ ନିକୋବର ନିକଟରେ ଭୂକମ୍ପ ଯୋଗୁ ସୁନାମି ଭଳି ସମୁଦ୍ରରେ ଢେଉ ସୃଷ୍ଟି ହୋଇଛି। &nbsp;କିଛି ସମୟ ମଧ୍ୟରେ ସ୍ଥଳ ଭାଗିବ ଛୁଇଁବ ସମୁଦ୍ର। &nbsp;୧୦ କିଲୋମିଟର ପଯର୍ୟନ୍ତ ମାଡ଼ି ଆସିବ ପାଣି। &nbsp;ଏଭଳି ବାର୍ତ୍ତା ପହଞ୍ଚିବା ପରେ ଆରମ୍ଭ ହୋଇଗଲା ମୁକାବିଲା ପାଇଁ ପ୍ରସ୍ତୁତି। &nbsp;ଏନ୍&zwnj;ଡିଆରଏଫ, ଦମକଳବାହିନୀ, ସେନା କର୍ମଚାରୀ ପହଞ୍ଚିଗଲେ ଘଟଣାସ୍ଥଳରେ। &nbsp;ସୁରକ୍ଷିତ ସ୍ଥାନକୁ ଯିବା ପାଇଁ ଲୋକଙ୍କୁ ମାଇକ ଜରିଆରେ କରିଦିଆଗଲା ସତର୍କ । ୯ଟା ୩୦ ମିନିଟ ମଧ୍ୟରେ କାହାକୁ ବାତ୍ୟା ଆଶ୍ରୟସ୍ଥଳୀରେ ରଖାଗଲା ତ&rsquo; ଆଉ କାହାକୁ ସୁରକ୍ଷିତ ସ୍ଥାନକୁ ନିଆଗଲା । ହେଲେ ନା ସୁନାମି ଆସିଥିଲା ନା କୌଣସି ପ୍ରାକୃତିକ ବିପଯର୍ୟୟ ମାଡ଼ି ଆସିଲା। &nbsp;ଏହାଥିଲା ସୁନାମି ଭଳି ଦୁର୍ବିପାକର ମୁକାବିଲା ପାଇଁ ପ୍ରସ୍ତୁତି ପର୍ବ । ଉପକୂଳ ଓଡ଼ିଶାର ୬ଟି ଜିଲ୍ଲା ଯଥା ଗଂଜାମ, ପୁରୀ, ଜଗତସିଂପୁର, କେନ୍ଦ୍ରାପଡ଼ା, ଭଦ୍ରକ ଓ ବାଲେଶ୍ୱରର ୨୨ଟି ବ୍ଲକ ସହ ୩୨୮ଟି ସୁନାମୀ ପ୍ରବଣ ଗାଁ ଗୁଡ଼ିକରେ ଆଜି ଏଭଳି ମକ୍&zwnj;ଡ୍ରିଲ୍ କରାଯାଇଥିଲା। କେନ୍ଦ୍ର ସରକାରଙ୍କ ଗୃହ ମନ୍ତ୍ରଣାଳୟ ଓ ରାଷ୍ଟ୍ରୀୟ ବିପଯର୍ୟୟ ପରିଚାଳନା କର୍ତ୍ତୃପକ୍ଷ NDMAର ମିଳିତ ସହାୟତାରେ ଇଣ୍ଡିଆନ୍ ନ୍ୟାସନାଲ୍ ସେଣ୍ଟର ଫର୍ ଓସିଏନ୍ ଇନଫର୍ମେସନ ସର୍ଭିସେସ୍-INCOIS ହାଇଦ୍ରାବାଦ୍ ପକ୍ଷରୁ ମିଳିତ ଭାବେ ଏହି ମକ୍ ଡ୍ରିଲ୍ କରାଯାଇଥିଲା। ଯେଉଁଥିରେ ରାଜ୍ୟ ଓ ଜିଲ୍ଲା ପ୍ରଶାସନ ଏବଂ ଏନ୍&zwnj;ଡିଆରଏଫ, ଓଡ଼୍ରାଫ୍, ଅ୍ରଗ୍ନିଶମ ସେବା ସଂସ୍ଥା, ସିଭିଲ୍ ଡିଫେନ୍ସ, ଭାରତୀୟ ନୌସେନା ଏବଂ ତଟରକ୍ଷୀ ବାହିନୀ ଅଂଶଗ୍ରହଣ କରିଥିଲେ। &nbsp;ସଚେତନତା ସହ ଦୁର୍ବିପାକ ବେଳେ ବିଭିନ୍ନ ଏଜେନ୍ସି ମଧ୍ୟରେ ସମନ୍ୱୟ ରକ୍ଷା କରାଯାଇ ଥିଲା।</p><p>&lt;span style=&quot;color: #ff0000;&quot;&gt;ସେଇ ଡିସେମ୍ବର ୨୬&lt;/span&gt;</p><p>୨୦୦୪, ଡିସେମ୍ବର ୨୬ରେ ଭୟଙ୍କର ତଥା ଘାତକ ଦୂର୍ବିପାକ ସୁନାମି ଭିଆଇଥିଲା&nbsp; ତାଣ୍ଡବ । ଦେଖିବାକୁ ମିଳିଥିଲା ଧ୍ୱଂସବିଧ୍ୱସ୍ତର କରୁଣ ଚିତ୍ର। &nbsp;ଭାରତ ମହାସାଗର ସଂଲଗ୍ନ ୧୪ ଦେଶରେ ପ୍ରାଣ ହରାଇଥିଲେ ପ୍ରାୟ ଅଢ଼େଇ ଲକ୍ଷ ଲୋକ। &nbsp;ତା&rsquo;ପରଠୁ ରାଜ୍ୟଠୁ ବିଦେଶ ସବୁଠି ଚାଲିଛି ମୁକାବିଲା ପାଇଁ ଏଭଳି ପ୍ରସ୍ତୁତି।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।