କଶ୍ମୀର: ଜମ୍ମୁ କଶ୍ମୀରର ଜଣେ ବରିଷ୍ଠ ଅଧିକାରୀ କରୋନାରେ ସଂକ୍ରମିତ ହୋଇଛନ୍ତି। ଏହାପରେ ୧୨ରୁ ଅଧିକ ଅଫିସର ଯେଉଁମାନେ ଆଇଏଏସ ଅଧିକାରୀଙ୍କ ସଂସ୍ପର୍ଶରେ ଆସିଥିଲେ ସେମାନେ କ୍ୱାରେଣ୍ଟାଇନରେ ରହିଛନ୍ତି। ଶନିବାର ଅପରାହ୍ନରେ ଏହି ଆଇଏଏସ ଅଫିସର କରୋନାରେ ସଂକ୍ରମିତ ହୋଇଥିବା ସୂଚନା ରହିଛି।
ଏହି ଆଇଏଏସ ଅଧିକାରୀ ଏକ ବୈଠକରେ ସାମିଲ୍ ହୋଇଥିଲେ। ଯେଉଁଥିରେ ଅର୍ଥ ସଚିବ ରାଙ୍କର ଅଧିକାରୀ ସାମିଲ୍ ହୋଇଥିଲେ। ଏମିତିକି ଜଣେ ପ୍ରମୁଖ ସଚିବ ଏବଂ ସ୍ୱାସ୍ଥ୍ୟ ଓ ଶିକ୍ଷା ଅଧିକାରୀ ସାମିଲ୍ ହୋଇଥିବା ଜଣାପଡ଼ିଛି। ଏହାବାଦ ବୈଠକରେ ଜଣେ ସରକାରୀ ମେଡିକାଲ କଲେଜର ଚିକିତ୍ସକ, ବରିଷ୍ଠ ମାଇକ୍ରୋବାଇଲୋଜିଷ୍ଟ ସାମିଲ୍ ଥିଲେ।
ସୂଚନାଯୋଗ୍ୟ, ଜମ୍ମୁ କଶ୍ମୀରରେ ୨,୩୪୧ ଜଣ କରୋନାରେ ସଂକ୍ରମିତ ହୋଇଛନ୍ତି। ସେଥିମଧ୍ୟରୁ ଏବେ ୧,୪୦୫ ଜଣ ଚିକିତ୍ସାଧୀନ ରହିଥିବାବେଳେ ୯୦୮ ଜଣ ଆରୋଗ୍ୟ ହୋଇଛନ୍ତି। ୨୮ ଜଣଙ୍କର ମୃତ୍ୟୁ ଘଟିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
