ଜମ୍ମୁ: ଶନିବାର ଜମ୍ମୁ କାଶ୍ମୀରରେ ନୋଶେରା-ସୁନ୍ଦରବାନୀ ସେକ୍ଟରରେ ଥିବା ଲାଇନ୍ ଅଫ୍ କଣ୍ଟ୍ରୋଲ୍ ନିକଟରେ ଲ୍ୟାଣ୍ଡମାଇନ୍ ବିସ୍ଫୋରଣ ଘଟି ୨ ଜଣ ସୈନିକଙ୍କ ମୃତ୍ୟୁ ଘଟିଛି। ଏଥିରେ ୩ ଜଣ ଆହତ ହୋଇଛନ୍ତି। ମିଳିଥିବା ସୂଚନା ଅନୁଯାୟୀ, ସେନା ପକ୍ଷରୁ ପାଟ୍ରୋଲିଂ କରାଯାଉଥିବା ବେଳେ ବିଛାଯାଇଥିବା ଲ୍ୟାଣ୍ଡମାଇନ୍ ଉପରେ ପାଦ ପଡ଼ିଯାଇଥିଲା।
ଫଳରେ ବିସ୍ଫୋରଣ ଘଟିଥିଲା। ଏଥିରେ ୨ ଜଣ ଯବାନ ସହିଦ ହୋଇଛନ୍ତି। ଆହତମାନଙ୍କୁ ସେନା ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ପଡ଼ୋଶୀ ଶତ୍ରୁ ରାଷ୍ଟ୍ର ପକ୍ଷର ସେନା ପକ୍ଷରୁ ଏଭଳି ଲ୍ୟାଣ୍ଡମାଇନ୍ ବିଛାଯାଇଥିବା କୁହାଯାଇଛି। ନୋଶେରା-ସୁନ୍ଦରବାନୀ ସେକ୍ଟରରେ ଗତ ୩ ସପ୍ତାହ ଧରି ସେନା ପକ୍ଷରୁ ପାଟ୍ରୋଲିଂ କରାଯାଉଛି ।
ଏହାରି ଭିତରେ ପୁଞ୍ଚ ଜଙ୍ଗଲରେ ଲୁଚି ରହିଥିବା ଆତଙ୍କବାଦୀମାନେ ୨ ଜଣ ଅଫିସରଙ୍କ ସମେତ ୯ ଜଣ ଯବାନଙ୍କୁ ହତ୍ୟା କରିସାରିଲେଣି। ଗତ ୧୮ ବର୍ଷ ମଧ୍ୟରେ ଏହି ଅଞ୍ଚଳରେ ଏହା ହେଉଛି ସବୁଠୁ ବଡ଼ ଆତଙ୍କବାଦ ବିରୋଧୀ ଅପରେସନ୍ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
