ବେଙ୍ଗାଲୁରୁ: ମହାମାରୀ କରୋନାର ଦ୍ରୁତ ସଂକ୍ରମଣ ଭିତରେ ଅକ୍ସିଜେନ ସଙ୍କଟର ଭୟଙ୍କର ଚିତ୍ର ସାମ୍ନାକୁ ଆସିଛି। କର୍ଣ୍ଣାଟକାର ଛାମରାଜନଗର ଜିଲ୍ଲା ହସ୍ପିଟାଲରେ ୨ ଘଣ୍ଟା ପାଇଁ ଅକ୍ସିଜେନ ସଙ୍କଟ ଦେଖାଯିବାରୁ ୨୪ ଜଣ ରୋଗୀଙ୍କ ଜୀବନ ଚାଲି ଯାଇଛି। ରାତି ୧୨ରୁ ୨ଟା ମଧ୍ୟରେ ଅକ୍ସିଜେନ ସପ୍ଲାଏ ହ୍ରାସ ପାଇବାରୁ ଏଭଳି ଘଟଣା ଘଟିଥିବା ସରକାରୀ ଅଧିକାରୀ ସ୍ୱୀକାର କରିଛନ୍ତି।
ଏହି ହସ୍ପିଟାଲରେ ମୋଟ ୧୪୪ ଜଣ ରୋଗୀ ଚିକିତ୍ସାଧୀନ ଅଛନ୍ତି। ହଠାତ୍ ରାତି ୧୨ଟାରୁ ୨ଟା ଯାଏ ଅମ୍ଳଜାନ ପାଇପ୍ରେ ସମସ୍ୟା ହେବାରୁ ଯୋଗାଣ ହ୍ରାସ ପାଇଥିଲା। ଏହି କାରଣରୁ ଅକ୍ସିଜେନ ସର୍ପୋଟରେ ଥିବା ୨୪ ଜଣ ରୋଗୀ ୨ ଘଣ୍ଟା ଭିତରେ ମୃତ୍ୟୁ ବରଣ କରିଛନ୍ତି।
ତେବେ କେମିତି ଅକ୍ସିଜେନ ଯୋଗାଣ ହ୍ରାସ ପାଇଲା, ସେକଥା ଜଣାପଡ଼ିନି। ମୁଖ୍ୟମନ୍ତ୍ରୀ ବିଏସ୍ ୟେଦ୍ୟୁରପ୍ପା ଘଟଣାକୁ ଗୁରୁତ୍ୱର ସହ ନେଇଛନ୍ତି। ସେ ଏହାର ତଦନ୍ତ ପାଇଁ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି। ରାଜ୍ୟର ଗୃହମନ୍ତ୍ରୀ ବସଭରାଜ ବୋମାନି ମଧ୍ୟ ଡିଜିପି-ଆଇଜିପି ପ୍ରବୀଣ ସୁଦଙ୍କୁ ଘଟଣାର ତଦନ୍ତ କରି ରିପୋର୍ଟ ଦାଖଲ କରିବାକୁ କହିଛନ୍ତି।
ମହୀଶୂର ସାଂସଦ ପ୍ରତାପ ସୀମା କହିଛନ୍ତି, ଛାମରାଜନଗର ଜିଲ୍ଲାରେ ଅକ୍ସିଜେନ ସଙ୍କଟ କଥା ମୁଁ ମିଡିଆରୁ ଜାଣିବାକୁ ପାଇଥିଲି ଏହାପରେ ତୁରନ୍ତ ଡିସି ରବିଙ୍କୁ ଫୋନ କଲି ଓ ଅକ୍ସିଜେନ ଯୋଗାଣ ଦାୟିତ୍ୱରେ ଥିବା ଏଡିସିଙ୍କୁ କନଫରେନ୍ସରେ ନେଇଥିଲି। ରାତିରେ ହିଁ ୧୫ଟି ସିଲିଣ୍ଡରର ବ୍ୟବସ୍ଥା କରାଯାଇଥିଲା। ତଥାପି ସବୁ ପ୍ରକାରର ଚେଷ୍ଟା ସତ୍ତ୍ୱେ ଏମିତି ଘଟଣା ଘଟିଲା। ଛାମରାଜନଗର ଆମ ଠାରୁ ବହୁ ଦୂରସ୍ଥାନ ନୁହେଁ। ଆମେ ସବୁ ବେଳେ ଏହାକୁ ଆମର ଅଞ୍ଚଳ ବୋଲି ଭାବୁ। ସେମାନଙ୍କ ଦୁଃଖରେ ଆମେ ମଧ୍ୟ ଦୁଃଖିତ ବୋଲି ସେ କହିଛନ୍ତି।
Died or Killed?
My heartfelt condolences to their families.
How much more suffering before the ‘system’ wakes up? pic.twitter.com/JrfZbIo7zm
— Rahul Gandhi (@RahulGandhi) May 3, 2021
କଂଗ୍ରେସ ନେତା ରାହୁଲ ଗାନ୍ଧି ମହାମାରୀକୁ ମୁକାବିଲା କରିବାରେ ସରକାର ଫେଲ ମାରିଥିବାରୁ ତୀବ୍ର ସମାଲୋଚନା କରିଛନ୍ତି।