ନୂଆଦିଲ୍ଲୀ: କରୋନାର ସମ୍ଭାବ୍ୟ ତୃତୀୟ ଲହରରେ ଶିଶୁମାନେ ଅଧିକ ଆକ୍ରାନ୍ତ ହେବାର ଆଶଙ୍କା ରହିଛି। ଏହା ପୂର୍ବରୁ ସମସ୍ତ ସରକାର ଛୋଟ ଛୁଆଙ୍କ ଚିକିତ୍ସା ପାଇଁ ଏକ ଗାଇଡଲାଇନ୍ ପ୍ରସ୍ତୁତ କରିଛନ୍ତି। ସ୍ୱାସ୍ଥ୍ୟ ବିଭାଗର ଡିରେକ୍ଟୋରେଟ ଜେନେରାଲ ଅପ୍ ହେଲଥ ସର୍ଭିସ ଦ୍ୱାରା ଜାରି କରାଯାଇଥିବା ଏହି ଗାଇଡଲାଇନରେ କୁହାଯାଇଛି ଲକ୍ଷଣହୀନ ଓ କମ୍ ସଂକ୍ରମଣ କ୍ଷେତ୍ରରେ ଷ୍ଟିରଏଡ୍ ବ୍ୟବହାର କରାଯିବା ଅନୁଚିତ। ଏହା ଛଡ଼ା ନିଜେ ନିଜେ କୌଣସି ଔଷଧ ଦିଅନ୍ତୁ ନାହିଁ। ଦେଖି ଚାହିଁ ଉପଯୁକ୍ତ ବିଚାର କରି HRCT ଇମେଜିଂ କରାଯିବା ଉଚିତ।
ଶିଶୁଙ୍କ କ୍ଷେତ୍ରରେ ରେମଡେସିଭିର ବ୍ୟବହାରକୁ ପୁରା ମନା କରାଯାଇଛି। କାରଣ ଏହାର ବ୍ୟବହାର ନେଇ ସୁରକ୍ଷା ଓ ଉପଯୁକ୍ତ ଡାଟାର ଅଭାବ ରହିଛି। ରେମଡେସିଭର୍ ହେଉଛି ଏକ ଔଷଧ ଯାହା ଜରୁରୀକାଳୀନ ବ୍ୟବହାର ପାଇଁ ଅନୁମୋଦିତ। ୧୮ ବର୍ଷରୁ କମ୍ ପିଲାମାନଙ୍କ ମଧ୍ୟରେ ରିମେଡେସିଭରର ସୁରକ୍ଷା ଏବଂ କାର୍ଯ୍ୟକାରିତା ଉପରେ କୌଣସି ତଥ୍ୟ ନାହିଁ। ଏଥି ସହିତ ଏହା ମଧ୍ୟ କୁହାଯାଇଛି ଯେ କେବଳ ଗୁରୁତର ରୋଗୀଙ୍କୁ ଷ୍ଟେରଏଡ ଦିଆଯିବା ଉଚିତ।
କେନ୍ଦ୍ର ସରକାର କହିଛନ୍ତି ଯେ ପିଲାମାନଙ୍କର ଶାରୀରିକ ଦକ୍ଷତା ଯାଞ୍ଚ କରିବା ପାଇଁ ସେମାନଙ୍କୁ ୬ ମିନିଟ୍ ଚାଲନ୍ତୁ ଯାହା ଦ୍ୱାରା କାର୍ଡିଓ-ପଲ୍ମନରୀ ବ୍ୟାୟାମ ହୋଇପାରିବ। ପିଲାମାନଙ୍କୁ ଅଙ୍ଗୁଳିରେ ଅକ୍ସିମିଟର ରଖି ୬ ମିନିଟ୍ ଚାଲିବାକୁ କୁହାଯିବା ଉଚିତ୍। ଯଦି ଏହି ସମୟ ମଧ୍ୟରେ ସେମାନଙ୍କର ଅମ୍ଳଜାନ ସ୍ତର ୯୪ ପ୍ରତିଶତରୁ କମ୍ ହୋଇଯାଏ, କିମ୍ବା ନିଶ୍ୱାସ ନେବାରେ ଅସୁବିଧା ଦେଖାଯାଏ, ତେବେ ସେହି ଆଧାରରେ ପିଲାମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯିବା ଉଚିତ୍।
ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ ପିଲାମାନଙ୍କ କ୍ଷେତ୍ରରେ ସିଟି ସ୍କାନକୁ ମଧ୍ୟ ପରାମର୍ଶ ଦିଆଯାଇଛି। ତେବେ, ଏଥି ସହିତ ଏହା ମଧ୍ୟ କୁହାଯାଇଛି ଯେ ହାଇ ରିଜୋଲୁଏସନ ସିଟି ସ୍କାନ୍ କେବଳ ଚିକିତ୍ସକଙ୍କ ପରାମର୍ଶକ୍ରମେ ଏହାର ବ୍ୟବହାର କରାଯିବା ଉଚିତ। ତେବେ ଯେଉଁ ପିଲାଙ୍କଠାରେ ଆଜମା ରହିଛି ସେମାନଙ୍କ କ୍ଷେତ୍ରରେ ଏହି ପରୀକ୍ଷା ଉପରେ ରୋକ୍ ଲଗାଯାଇଛି। ଯଦି ଶିଶୁ କରୋନାରେ ଗୁରୁତର ହେବା ପରେ ଗୁରୁତର ହୋଇପଡିଛନ୍ତି ତେବେ ତୁରନ୍ତ ଅକ୍ସିଜେନ ଚିକିତ୍ସା ଯୋଗାଇବା ଉଚିତ ବୋଲି ସରକାର କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
