ନୂଆଦିଲ୍ଲୀ: ଅଳ୍ପକେ ବର୍ତ୍ତି ଯାଇଛନ୍ତି ଉତ୍ତରାଖଣ୍ଡର ଜଣେ କଂଗ୍ରେସ ବିଧାୟକ। ତାଙ୍କ ନାଁ ହରିଶ ଧାମି। ସେ ଏକ ଛୋଟ ପାହାଡ଼ି ନଦୀ ଅତିକ୍ରମ କରୁଥିବା ବେଳେ ବନ୍ୟାଜଳରେ ଭାସି ଯାଇଥିଲେଣି। ତେବେ ତାଙ୍କ ସହିତ ଥିବା ଦଳୀୟ କର୍ମୀ ଓ ସମର୍ଥକମାନେ ତାଙ୍କୁ ଉଦ୍ଧାର କରିଥିଲେ।
ଘଟଣାଟି ଗତକାଲିର। ପିଠୋରଗଡ଼ର ଧାରଚୁଲା ଅଞ୍ଚଳରେ ଏହି ଘଟଣା ଘଟିଥିଲା। ବିଧାୟକ ହରିଶ ଧାମି ପ୍ରବଳ ବର୍ଷାରେ ପ୍ରଭାବିତ ହୋଇଥିବା ବିଭିନ୍ନ ଗାଁର ସ୍ଥିତି ପରଖିବାକୁ ଯାଇଥିବା ବେଳେ ଏହି ଘଟଣା ଘଟିଥିଲା। ଏଥିରେ ସାମାନ୍ୟ ଆହତ ହୋଇଛନ୍ତି।
ବିଧାୟକ ହରିଶ ଧାମି କହିଛନ୍ତି ଯେ ହଠାତ୍ ନଦୀର ଜଳସ୍ତର ବଢ଼ିଯାଇଥିଲା। ତା’ସହିତ କାଦୁଅ ଓ ପଥର ଯୋଗୁ ସେ ସନ୍ତୁଳନ ହରାଇ ଖସି ପଡ଼ିଥିଲେ। ଜଳସ୍ରୋତରେ ସେ ଟିକେ ବାଟ ଭାସି ଯାଇଥିଲେ। ତେବେ ତାଙ୍କ ସହିତ ଥିବା ଲୋକମାନେ ତାଙ୍କୁ ଉଦ୍ଧାର କରି ନେଇଥିଲେ।
ନ୍ୟୁଜ୍ ଏଜେନ୍ସୀ ଏଏନ୍ଆଇ ଏହାର ଏକ ଭିଡିଓ ଟ୍ୱିଟ୍ କରିଛି। ଦେଖନ୍ତୁ ଦଳୀୟ କର୍ମୀ ଓ ସମର୍ଥକଙ୍କ ଗହଣରେ ବିଧାୟକ ଶ୍ରୀ ଧାମି ନଦୀ ଅତିକ୍ରମ କରୁଥିବା ବେଳେ କେମିତି ଭାସି ଯାଉଛନ୍ତି।
#WATCH Uttarakhand: Congress MLA Harish Dhami had a narrow escape after he slipped while crossing a flooded rivulet in Dharchula area of Pithoragarh. He was rescued by party workers & supporters accompanying him. (30.07.2020) pic.twitter.com/9pZDHSd30T
— ANI (@ANI) July 31, 2020