ଯିଏ ରାମଙ୍କୁ ବିଶ୍ୱାସ କରନ୍ତି ନାହିଁ ସିଏ ମୋତେ ରାବଣ କହୁଛନ୍ତି : ମୋଦି

ଅହମ୍ମଦାବାଦ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ରାବଣ ସହ ତୁଳନା କରିଥିବା କଂଗ୍ରେସ ସଭାପତି ମଲ୍ଲିକାର୍ଜୁନ ଖାଡ଼ଗେଙ୍କୁ ପାଲଟା ଜବାବ ଦେଇଛନ୍ତି ମୋଦି। ଆଜି ଗୁଜରାଟର ଏକ ନିର୍ବାଚନୀ ସଭାରେ ମୋଦି କଂଗ୍ରେସ ସଭାପତି ମଲ୍ଲିକାର୍ଜୁନଙ୍କ ଉପରେ ବର୍ଷିଛନ୍ତି। ମୋଦି କହିଛନ୍ତି ଯେ, ତାଙ୍କ ବିରୋଧରେ କିଏ କେତେ ଅପଶବ୍ଦ କହିପାରିବ କଂଗ୍ରେସ ଭିତରେ ଏକ ପ୍ରତିଯୋଗିତା ଚାଲୁଛି। ଗୁଜରାଟର ପଞ୍ଚମାହଲ ଜିଲ୍ଲାର କାଲୋଲ ସହରରେ ଦଳୀୟ ନିର୍ବାଚନୀ ରାଲିକୁ  ସମ୍ବୋଧିତ କରି ଏହା କହିଛନ୍ତି ମୋଦି। ସେ […]

modi-9

modi-9

Tapas Behera
  • Published: Thursday, 01 December 2022
  • Updated: 01 December 2022, 04:06 PM IST

Sports

Latest News

ଅହମ୍ମଦାବାଦ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ରାବଣ ସହ ତୁଳନା କରିଥିବା କଂଗ୍ରେସ ସଭାପତି ମଲ୍ଲିକାର୍ଜୁନ ଖାଡ଼ଗେଙ୍କୁ ପାଲଟା ଜବାବ ଦେଇଛନ୍ତି ମୋଦି। ଆଜି ଗୁଜରାଟର ଏକ ନିର୍ବାଚନୀ ସଭାରେ ମୋଦି କଂଗ୍ରେସ ସଭାପତି ମଲ୍ଲିକାର୍ଜୁନଙ୍କ ଉପରେ ବର୍ଷିଛନ୍ତି। ମୋଦି କହିଛନ୍ତି ଯେ, ତାଙ୍କ ବିରୋଧରେ କିଏ କେତେ ଅପଶବ୍ଦ କହିପାରିବ କଂଗ୍ରେସ ଭିତରେ ଏକ ପ୍ରତିଯୋଗିତା ଚାଲୁଛି। ଗୁଜରାଟର ପଞ୍ଚମାହଲ ଜିଲ୍ଲାର କାଲୋଲ ସହରରେ ଦଳୀୟ ନିର୍ବାଚନୀ ରାଲିକୁ  ସମ୍ବୋଧିତ କରି ଏହା କହିଛନ୍ତି ମୋଦି। ସେ କହିଛନ୍ତି ଯେ, ଯେଉଁମାନେ ପ୍ରଭୁ ରାମଙ୍କ ଅସ୍ଥିତ୍ୱ ଉପରେ ପ୍ରଶ୍ନ ଉଠାଉଥିଲେ, ସେମାନେ ଆଜି ରାମାୟଣରେ ରାବଣଙ୍କୁ ପାଇଛନ୍ତି। ମୁଁ ଆଶ୍ଚର୍ଯ୍ୟ ହେଉଛି ଯେ ସେମାନେ ମୋ ପ୍ରତି ଏପରି ଶବ୍ଦ ବ୍ୟବହାର କରିବା ପରେ ଅନୁତାପ କରିବାକୁ ଭୁଲି ନାହାଁନ୍ତି। ପ୍ରଧାନମନ୍ତ୍ରୀ କହିଛନ୍ତି ଯେ କିଛି ଦିନ ପୂର୍ବରୁ ଜଣେ କଂଗ୍ରେସ ନେତା କହିଲେ  ମୋଦି  କୁକୁର ଭଳି ମରିବେ। ଆଉ ଜଣେ କହିଛନ୍ତି ମୋଦି ହିଟଲରଙ୍କ ଭଳି ମରଣ ଭୋଗିବେ।  ଆଉ ଜଣେ କହିଛନ୍ତି ଯଦି ମୋତେ ସୁଯୋଗ ମିଳେ ତେବେ ମୁଁ ମୋଦିଙ୍କୁ ହତ୍ୟା କରିବି। କେହି କେହି ମୋତେ ରାବଣ କହୁଛନ୍ତି , କେହି ରାକ୍ଷସ କୁହୁଛନ୍ତି  , କେହି ଜଣେ ମୋତେ ଅସଡ଼ପା ବୋଲି କହୁଛନ୍ତି।

ଡିସେମ୍ବର ୫ ପାଇଁ ଦ୍ୱିତୀୟ ପର୍ଯ୍ୟାୟ ନିର୍ବାଚନର ପ୍ରଚାର ଲାଗି ଆସିଥିବା ମୋଦି କହିଛନ୍ତି ଯେ, ମୁଁ ଖାଡ଼ଗେ ଜୀଙ୍କୁ ସମ୍ମାନ କରେ। ତାଙ୍କୁ ଯାହା କହିବାକୁ କୁହାଯାଇଛି ସେ କହିବେ। କଂଗ୍ରେସ ଦଳକୁ ଜଣାନାହିଁ  ଯେ, ଗୁଜରାଟରେ ସମସ୍ତେ ରାମ ଭକ୍ତ । ରାମ ଭକ୍ତଙ୍କ ଜମିରେ ମୋଦିଙ୍କୁ  ୧୦୦ ମୁଣ୍ଡ ଥିବା ରାବଣ କହିବାକୁ କୁହାଯାଇଥିଲା।  ଆମେ ସମସ୍ତେ ଜାଣୁ କଂଗ୍ରେସ ରାମ ଭକ୍ତଙ୍କୁ ଗ୍ରହଣ କରେ ନାହିଁ ।

କଂଗ୍ରେସ ମଧ୍ୟ ରାମ ମନ୍ଦିର ଏବଂ ରାମ ସେତୁକୁ ଗ୍ରହଣ କରେ ନାହିଁ। କଂଗ୍ରେସ ମୋ ବିରୋଧରେ ଅପମାନଜନକ ଶବ୍ଦ ବ୍ୟବହାର କରୁଥିବାରୁ ମୁଁ  ଆଶ୍ଚର୍ଯ୍ୟ ନୁହେଁ। କିନ୍ତୁ ମୁଁ ଆଶ୍ଚର୍ଯ୍ୟ ହେଉଛି ଯେ କଂଗ୍ରେସ ଏହା ପରେ ଅନୁତାପ କରୁ ନାହିଁ। ଖାଡ଼ଗେ ନିଶ୍ଚିତ ଭାବରେ କ୍ରୋଧରେ ଆସି ଏହା କହିଥିବେ। ଗୋଟିଏ ପରିବାରକୁ ସନ୍ତୁଷ୍ଟ କରିବା କଂଗ୍ରେସରେ ଫ୍ୟାଶନ୍ ହୋଇଯାଇଛି। ମୋଦିଙ୍କୁ କିଏ ଦୁର୍ବ୍ୟବହାର କରିବ ସେନେଇ କଂଗ୍ରେସରେ ଏକ ପ୍ରତିଯୋଗିତା ଚାଲୁଛି ବୋଲି ପ୍ରଧାନମନ୍ତ୍ରୀ କହିଛନ୍ତି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Also Read