ଶପଥ ନେଲେ ଷ୍ଟାଲିନ୍, ଯୋଡ଼ି ହେଲା ରେକର୍ଡ

ଚେନ୍ନାଇ: ତାମିଲନାଡୁ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି ଡିଏମକେ ସଭାପତି ଏମ୍ କେ ଷ୍ଟାଲିନ୍। ରାଜ୍ୟପାଳ ବନଓ୍ୱାରିଲାଲ ପୂରୋହିତ ତାଙ୍କୁ ଶପଥ ପାଠ କରାଇଛନ୍ତି। ଷ୍ଟାଲନଙ୍କ ସମେତ ୩୩ ଜଣ ବିଧାୟକ ମନ୍ତ୍ରୀ ଭାବରେ ଶପଥ ଗ୍ରହଣ କରିଥିବା ସୂଚନା ରହିଛି। କରୋନା ପ୍ରୋଟୋକଲ ଅନୁଯାୟୀ ଏହି ଶପଥ ସମାରୋହ ଉତ୍ସବ ଆୟୋଜିତ ହୋଇଛି। ଏହି ଶପଥ ସମାରୋହରେ ଅଳ୍ପ କିଛି ମାନ୍ୟଗଣ୍ୟ ବ୍ୟକ୍ତି ସାମିଲ୍ ହୋଇଥିଲେ। ଯେଉଁଥିରେ ପୂର୍ବତନ ଶାସକ ଦଳ ଏଆଇଏମଡିଏମକେର ସଭାପତି […]

mk-stalin

mk-stalin

Subhransu Sekhar
  • Published: Friday, 07 May 2021
  • Updated: 07 May 2021, 11:22 AM IST

Sports

Latest News

ଚେନ୍ନାଇ: ତାମିଲନାଡୁ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି ଡିଏମକେ ସଭାପତି ଏମ୍ କେ ଷ୍ଟାଲିନ୍। ରାଜ୍ୟପାଳ ବନଓ୍ୱାରିଲାଲ ପୂରୋହିତ ତାଙ୍କୁ ଶପଥ ପାଠ କରାଇଛନ୍ତି। ଷ୍ଟାଲନଙ୍କ ସମେତ ୩୩ ଜଣ ବିଧାୟକ ମନ୍ତ୍ରୀ ଭାବରେ ଶପଥ ଗ୍ରହଣ କରିଥିବା ସୂଚନା ରହିଛି। କରୋନା ପ୍ରୋଟୋକଲ ଅନୁଯାୟୀ ଏହି ଶପଥ ସମାରୋହ ଉତ୍ସବ ଆୟୋଜିତ ହୋଇଛି। ଏହି ଶପଥ ସମାରୋହରେ ଅଳ୍ପ କିଛି ମାନ୍ୟଗଣ୍ୟ ବ୍ୟକ୍ତି ସାମିଲ୍ ହୋଇଥିଲେ। ଯେଉଁଥିରେ ପୂର୍ବତନ ଶାସକ ଦଳ ଏଆଇଏମଡିଏମକେର ସଭାପତି ଓ ପନ୍ନୀରସେଲଭମ, କଂଗ୍ରେସ ନେତା ପି ଚିଦାମ୍ୱରମ, ଏମଡ଼ିଏମକେ ସଭାପତି ଭାଇକୋ ପ୍ରମୁଖ ଉପସ୍ଥିତ ଥିଲେ।

ଷ୍ଟାଲିନଙ୍କ ମନ୍ତ୍ରୀମଣ୍ଡଳରେ ସାମିଲ୍ ହୋଇଥିବା ୩୩ ମନ୍ତ୍ରୀଙ୍କ ମଧ୍ୟରୁ ୧୯ ଜଣ ପୂର୍ବତନ ମନ୍ତ୍ରୀ ଏବଂ ୧୫ ଜଣ ନୂଆ ଚେହେରା ରହିଛନ୍ତି। ସେମାନଙ୍କ ମଧ୍ୟରୁ ଦୁଇଜଣ ମହିଳା ମଧ୍ୟ ରହିଛନ୍ତି। ଷ୍ଟାଲିନଙ୍କ ପୁଅ ଉଦୟାନିଧି କିନ୍ତୁ ମନ୍ତ୍ରୀ ତାଲିକାରେ ସ୍ଥାନ ପାଇ ନାହାନ୍ତି।

ମୁଖ୍ୟମନ୍ତ୍ରୀ ଷ୍ଟାଲିନ ଅନେକ ବିଭାଗ ନିଜ ପାଖରେ ରଖିଛନ୍ତି। ଗୃହ, ସାଧାରଣ ପ୍ରଶାସନ ଭଳି ବଡ଼ ବଡ଼ ବିଭାଗ ନିଜ ପାଖରେ ଷ୍ଟାଲିନ ରଖିଛନ୍ତି। ସେହିପରି ଡିଏମକେ ସାଧାରଣ ସମ୍ପାଦକ ଏସ ଦୁରାଇମୁରୁଗାନ ଜଳ ସମ୍ପଦ ବିଭାଗ, ଆର ସାକରାପାନି ଖାଦ୍ୟ ଯୋଗାଣ, ଏସ ରଘୁପତି ଆଇନ, ଟି ମନୋ ଥାଙ୍ଗରାଜ ସୂଚନା ପ୍ରଯୁକ୍ତିବିଦ୍ୟା (ଆଇଟି) ଏବଂ ପାଲାନିଭେଲ ଥିଆରାଜନ ଅର୍ଥ ବିଭାଗ ଏବଂ ମାନବ ସମ୍ବଳ ବିଭାଗ ପାଇଛନ୍ତି।

ଏହାକୁ ମିଶାଇ ରାଜ୍ୟରେ ଷଷ୍ଠ ଥର ପାଇଁ ଡିଏମକେ ସରକାର ଗଢିବାରେ ସଫଳ ହୋଇଛି। ୨୦୧୯ ସାଧାରଣ ନିର୍ବାଚନରେ ଡିଏମକେ ସଫଳତା ହାସଲ କରିବା ପରେ ବିଧାନସଭା ନିର୍ବାଚନରେ ମଧ୍ୟ ସଫଳତା ହାସଲ କରିଛି।

ତେବେ ଷ୍ଟାଲିନଙ୍କ ବୟସ ଏବେ ୬୮ ବର୍ଷ। ଏ ବୟସରେ ମୁଖ୍ୟମନ୍ତ୍ରୀ ଭାବରେ ପ୍ରଥମ ଥର ପାଇଁ ଶପଥ ନେବାରେ ଷ୍ଟାଲିନ ହେଉଛନ୍ତି ପ୍ରଥମ। ଯାହାକି ତାମିଲନାଡୁ ରାଜନୀତିରେ ରେକର୍ଡ। ରବିବାର ବିଧାନସଭା ନିର୍ବାଚନ ଫଳାଫଳ ପ୍ରକାଶ ପାଇବା ପରେ ଷ୍ଟାଲିନ ଚଳିତ ସପ୍ତାହରେ ରାଜ୍ୟପାଳ ପୂରୋହିତଙ୍କୁ ଭେଟି ସରକାର ଗଢ଼ିବାକୁ ପ୍ରସ୍ତାବ ଦେଇଥିଲେ। ଆଉ ସେ ଡିଏମକେ ବିଧାୟକ ଦଳର ନେତା ଭାବରେ ନିର୍ବାଚିତ ହୋଇଥିବାର ଏକ ଚିଠି ଦାଖଲ କରିଥିଲେ।୨୩୪ ସଦସ୍ୟ ବିଶିଷ୍ଟ ବିଧାନସଭା ଆସନରୁ ଡିଏମକେ ନେତୃତ୍ୱାଧୀନ ମେଣ୍ଟ ୧୩୩ଟି ଆସନ ଜିତିଛି। ଡିଏମକେ ଏକାକୀ ୧୨୫ ଆସନରେ ବିଜୟୀ ହୋଇଛି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos