ନୂଆଦିଲ୍ଲୀ: ହୁହୁ ଜଳିଗଲା ବିବାହ ମଣ୍ଡପ। ବିବାହ ମଣ୍ଡପ ସାଙ୍ଗକୁ ଆଖ ପାଖରେ ଥିବା ଗାଡି ମଡରରେ ମଧ୍ୟ ଜଳି ପୋଡି ପାଉଁଶ ହୋଇଗଲା। ନିଆଁ ଯୋଗୁଁ ଆଖପାଖ ଅଞ୍ଚଳରେ ପ୍ରବଳ ଧୂଆଁ ମଧ୍ୟ ବ୍ୟାପିଯାଇଥିବା ଦେଖିବାକୁ ମିଳିଛି। ଏଭଳି ଏକ ଭୟଙ୍କର ଅଗ୍ନିକାଣ୍ଡ ଘଟିଛି ଦେଶର ରାଜଧାନୀ ଦିଲ୍ଲୀରେ।
ଦିଲ୍ଲୀର ରୋହିଣୀ ଅଞ୍ଚଳରେ ଏକ ସଜେଇ ହୋଇ ରହିଥିବା ବିବାହ ମଣ୍ଡପରେ ହଠାତ୍ ନିଆଁ ଲାଗିଯାଇଛି। ସୂଚନା ମୁତବାକ, ଆଜି ମଧ୍ୟାହ୍ଣ ସମୟରେ ଏହି ଘଟଣା ଘଟିଛି। ନିଆଁ ଲାଗିବା ଯୋଗୁଁ ଆଖପାଖରେ ଥିବା ଗାଡିଗୁଡିକ ମଧ୍ୟ ପୋଡି ଯାଇଛି। ଖବର ପାଇ ଘଟଣାସ୍ଥଳରେ ୧୨ଟି ଦମକଳ ଗାଡି ପହଞ୍ଚି ନିଆଁକୁ ଆୟତ୍ତ କରୁଛି। ତେବେ କେଉଁ କାରଣରୁ ଏହି ଅଗ୍ନିକାଣ୍ଡ ଘଟିଲା ସେ ନେଇ କିଛି ସ୍ପଷ୍ଟ ସୂଚନା ମିଳିପାରି ନାହିଁ। ଏପରିକି ଏହି ଅଗ୍ନିକାଣ୍ଡରେ କେତେ ଜଣ ମୃତାହତ ହୋଇଛନ୍ତି ଓ କ'ଣ କ୍ଷୟକ୍ଷତି ହୋଇ ସେ ନେଇ ମଧ୍ୟ କିଛି ସୂଚନା ମିଳିନାହିଁ।
https://twitter.com/sirajnoorani/status/1506930903150305281?s=20&t=mMnwmofhicyjbBrkM7fJbQ
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
