ନୂଆଦିଲ୍ଲୀ: ହାଇଦ୍ରାବାଦ ସାଂସଦ ଅସାଦୁଦ୍ଦିନ ଓୱେସୀଙ୍କ ଦିଲ୍ଲୀ ସ୍ଥିତ ସରକାରୀ ବାସଭବନରେ ତଥାକଥିତ ହିନ୍ଦୁ ସେନା କର୍ମୀମାନେ ବ୍ୟାପକ ଭଙ୍ଗା ରୁଜା କରିଛନ୍ତି। ଏଥିସହ ସେମାନେ ଓୱେସୀଙ୍କ ଘରର ଦେଖାଶୁଣା କରୁଥିବା ରାଜୁ ନାମକ ଜଣେ ବ୍ୟକ୍ତିଙ୍କୁ ମାଡ଼ ମାରିଛନ୍ତି।
ବାସଭବନରେ ସେମାନେ ଭଙ୍ଗାରୁଜା କରିବା ବେଳେ ବିଭିନ୍ନ ପ୍ରକାରର ଧାର୍ମିକ ନାରା ଦେଇଥିଲେ। ସେହିପରି ଓୱେସୀଙ୍କୁ ହତ୍ୟା କରିବାକୁ ମଧ୍ୟ ଧମକ ଦେଇଥିବା ଅଭିଯୋଗ ହୋଇଛି। ମଙ୍ଗଳବାର ସନ୍ଧ୍ୟାରେ ଏହି ଘଟଣା ଘଟିଥିବା ବେଳେ ପୁଲିସ୍ ୫ ଜଣଙ୍କୁ ଗିରଫ କରିଥିବା ସୂଚନା ଦେଇଛି। ସେମାନେ ନିଜକୁ ହିନ୍ଦୁ ସେନାର ସଦସ୍ୟ ବୋଲି ଦାବି କରିଛନ୍ତି। କିନ୍ତୁ ଏଥିରେ କେତେ ସତ୍ୟତା ରହିଛି, ତା’ର ତଦନ୍ତ ପୁଲିସ କରୁଛି।
ଘଟଣା ସମ୍ପର୍କରେ ଓୱେସୀ ଟ୍ୱିଟ କରି ସମସ୍ତଙ୍କୁ ସୂଚନା ଦେଇଛନ୍ତି। ସେ କହିଛନ୍ତି, ଦୁନିଆକୁ କଠୋରତାବାଦର ପାଠ ପଢ଼ାଉଥିବା ପିଏମଓ ଇଣ୍ଡିଆ କହିବେ କି ମୋ ଘର ଉପରେ ଆକ୍ରମଣ କରିଥିବା ଲୋକଙ୍କୁ କି କଠୋରପନ୍ଥୀ ଭାବେ ଗଢ଼ିଲା? ଯଦି ଏହି କଠୋରପନ୍ଥୀମାନଙ୍କୁ ଲାଗୁଛି ଯେ ସେମାନଙ୍କର ଏପରି କାଣ୍ଡ କାରନାମରେ ଆମେ ଡରିଯିବୁ, ତା’ହେଲେ ସେମାନେ ଭୁଲ ଭାବୁଛନ୍ତି।
ନ୍ୟାୟ ପାଇଁ ଆମର ଲଢ଼େଇ ସବୁବେଳେ ଜାରି ରହିବ। ମୁଁ ଘରେ ନଥିବା ବେଳେ ୧୩ ଜଣ ଲୋକ ହାତରେ କାଠ ଫାଳିଆ, କୁରାଢ଼ୀ ଧରି ଆସିଥିଲେ। ମୋ ଘରେ ସେମାନେ ଭଙ୍ଗା ରୁଜା କରିବା ସହ କେୟାର ଟେକର ରାଜୁଙ୍କୁ ମାଡ଼ ମାରିଥିଲେ। ସେମାନେ ବିଭିନ୍ନ ପ୍ରକାରର ଧାର୍ମିକ ନାରା ଦେଇ ମୋତେ ହତ୍ୟା କରିବାକୁ ଧମକ ଦେଇଛନ୍ତି। ସେମାନ ମୋ ଘର ଉପରକୁ ପଥର ମାଡ଼ କରିବା ସହ ନାମ ଫଳକକୁ ନଷ୍ଟ କରିଦେଇଛନ୍ତି।
My Delhi residence was vandalised today by radicalised goons. Their cowardice is well known & as usual they came in a mob, not alone. They also chose a time when I was not home. They were armed with axes and sticks, they pelted stones at my house, my nameplate was destroyed. 6/n
— Asaduddin Owaisi (@asadowaisi) September 21, 2021
ମୋ ବାସଭବନ ପାଖରେ ନିର୍ବାଚନ କମିଶନଙ୍କ ମୁଖ୍ୟାଳୟ ଓ ସଂସଦ ଷ୍ଟ୍ରିଟ ପୁଲିସ୍ ଷ୍ଟେସନ ରହିଛି। ପ୍ରଧାନମନ୍ତ୍ରୀଙ୍କ ବାସଭବନ ମୋ ଘର ଠାରୁ ୮ ମିନିଟ୍ ଦୂରରେ। ଯଦି ଜଣେ ସାଂସଦ ଏଠାରେ ସୁରକ୍ଷିତ ନୁହନ୍ତି, ତା’ହେଲେ ଅମିତ ଶାହ କେଉଁ ପ୍ରକାରର ବାର୍ତ୍ତା ଦେଶକୁ ଦେଉଛନ୍ତି ବୋଲି ସେ ପ୍ରଶ୍ନ କରିଛନ୍ତି। ତୃତୀୟ ଥର ପାଇଁ ଓୱେସୀଙ୍କ ଦିଲ୍ଲୀ ବାସଭବନ ଉପରେ ଏପରି ଆକ୍ରମଣ କରାଯାଇଛି। ଓୱେସୀ ଭଙ୍ଗାରୁଜା ପରର ଫଟୋ ମଧ୍ୟ ପୋଷ୍ଟ କରିଛନ୍ତି।
आज कुछ उग्रवादी गुंडों ने मेरे दिल्ली के मकान पर तोड़-फोड़ की।इनकी बुज़दिली के चर्चे तो वैसे ही आम हैं।हमेशा की तरह, इनकी वीरता सिर्फ़ झुंड में ही दिखाई देती है।वक्त भी ऐसा चुना जब मैं घर पर नहीं था। गुंडों के हाथों में कुल्हाड़ियाँ और लकड़ियाँ थीं, घर पर पत्थर बाज़ी की गयी। 1/n pic.twitter.com/bwIAdnt43S
— Asaduddin Owaisi (@asadowaisi) September 21, 2021