କେନ୍ଦ୍ରକୁ ସିଧା କହିଲେ ସୁପ୍ରିମକୋର୍ଟ, ସୁରକ୍ଷାଆଳରେ ସବୁବେଳେ ଖସି ପାରିବେନି

ନୂଆଦିଲ୍ଲୀ: ପେଗାସସ୍‌ ବିବାଦ ମାମଲାରେ କେନ୍ଦ୍ର ସରକାରଙ୍କୁ ସୁପ୍ରିମକୋର୍ଟଙ୍କ ଝଟ୍‌କା।  ତଦନ୍ତ ପାଇଁ ଗଠନ କଲେ ବିଶେଷଜ୍ଞ କମିଟି। ସୁପ୍ରିମକୋର୍ଟର ଅବସରପ୍ରାପ୍ତ ବିଚାରପତି ଆର୍‌ଭି ରବୀନ୍ଦ୍ରନଙ୍କ ଅଧ୍ୟକ୍ଷତାରେ ଏହି କମିଟି ଗଠନ କରାଯାଇଛି। ଏହି କମିଟିରେ ୩ ଜଣ ସଦସ୍ୟ ଅଛନ୍ତି।  କମିଟିରେ ଆଇପିଏସ୍‌ ଆଲୋକ ଯୋଶୀ ଓ ସନ୍ଦୀପ ଓବରଇ ଅଛନ୍ତି। ଏହି କମିଟି ରାଇଟ ଟୁ ପ୍ରାଇଭେସି ଉଲ୍ଲଙ୍ଘନ ଅଭିଯୋଗର ତଦନ୍ତ କରିବ। ତଦନ୍ତ ପାଇଁ ୮ ସପ୍ତାହ ସମୟ ଦେଇଛନ୍ତି ସୁପ୍ରିମକୋର୍ଟ। ୮ସପ୍ତାହ […]

Pegasus

Pegasus

Madhupriya Mistry
  • Published: Wednesday, 27 October 2021
  • Updated: 27 October 2021, 01:48 PM IST

ନୂଆଦିଲ୍ଲୀ: ପେଗାସସ୍‌ ବିବାଦ ମାମଲାରେ କେନ୍ଦ୍ର ସରକାରଙ୍କୁ ସୁପ୍ରିମକୋର୍ଟଙ୍କ ଝଟ୍‌କା।  ତଦନ୍ତ ପାଇଁ ଗଠନ କଲେ ବିଶେଷଜ୍ଞ କମିଟି। ସୁପ୍ରିମକୋର୍ଟର ଅବସରପ୍ରାପ୍ତ ବିଚାରପତି ଆର୍‌ଭି ରବୀନ୍ଦ୍ରନଙ୍କ ଅଧ୍ୟକ୍ଷତାରେ ଏହି କମିଟି ଗଠନ କରାଯାଇଛି। ଏହି କମିଟିରେ ୩ ଜଣ ସଦସ୍ୟ ଅଛନ୍ତି।  କମିଟିରେ ଆଇପିଏସ୍‌ ଆଲୋକ ଯୋଶୀ ଓ ସନ୍ଦୀପ ଓବରଇ ଅଛନ୍ତି। ଏହି କମିଟି ରାଇଟ ଟୁ ପ୍ରାଇଭେସି ଉଲ୍ଲଙ୍ଘନ ଅଭିଯୋଗର ତଦନ୍ତ କରିବ। ତଦନ୍ତ ପାଇଁ ୮ ସପ୍ତାହ ସମୟ ଦେଇଛନ୍ତି ସୁପ୍ରିମକୋର୍ଟ। ୮ସପ୍ତାହ ପରେ ଏହି ମାମଲାର ପରବର୍ତ୍ତୀ ଶୁଣାଣି ହେବ।

ଆଜି ଏହି ମାମଲା ଶୁଣାଣି ବେଳେ ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ଭର୍ତ୍ସନା କରିଛନ୍ତି। ସେ କହିଛନ୍ତି, ଦେଶର ପ୍ରତ୍ୟେକ ନାଗରିକ ସେମାନଙ୍କର ଗୋପନୀୟତା ଅଧିକାରର ଉଲ୍ଲଂଘନରୁ ରକ୍ଷା ପାଇବା ଉଚିତ୍। ପେଗାସସ୍ ଗୁପ୍ତଚର ଅଭିଯୋଗ ପ୍ରକୃତିରେ  ବେଶ ବଡ ପ୍ରଭାବ ଅଟେ। କୋର୍ଟ ଏହାର ସତ୍ୟତା ଜାଣିବା ଉଚିତ୍। କୋର୍ଟ କେନ୍ଦ୍ରକୁ କାଠଗଡାରେ ରଖି କହିଛନ୍ତି ଯେ, ଜାତୀୟ ସୁରକ୍ଷା ଚିନ୍ତା ଦେଖାଇ ସରକାର ପ୍ରତ୍ୟେକ ଥର ମାଗଣା ପାସ୍ ପାଇପାରିବେ ନାହିଁ। ନ୍ୟାୟିକ ସମୀକ୍ଷା ବିରୋଧରେ କୌଣସି ସର୍ବଭାରତୀୟ ପ୍ରତିବନ୍ଧକ ନାହିଁ। କେନ୍ଦ୍ର ଏଠାରେ ନିଜର ଷ୍ଟାଣ୍ଡକୁ ଯଥାର୍ଥତା ଦର୍ଶାଇବା ଉଚିତ୍। କୋର୍ଟକୁ ମୂକ ଦର୍ଶକ ସଜାଇବାକୁ ଚେଷ୍ଟା କରିବା ଉଚିତ୍ ନୁହେଁ ବୋଲି କହିଛନ୍ତି।

ସୁପ୍ରିମକୋର୍ଟ କହିଛନ୍ତି, କେନ୍ଦ୍ର ସରକାରଙ୍କ କୌଣସି ଆଭିମୁଖ୍ୟ ସ୍ପଷ୍ଟ ନାହିଁ। ଗୋନୀୟତା ଉଲ୍ଲଂଘନ ଉପରେ ତଦନ୍ତା ହେବା ଜରୁରୀ। ସିଜେଇଆ ଏନ୍‌ଭି ରମନ୍ନା କହିଛନ୍ତି, ଆମେ ଲୋକମାନଙ୍କୁ ସେମାନଙ୍କର ମୌଳିକ ଅଧିକାରର ଉଲ୍ଲଂଘନରୁ ରକ୍ଷା କରିବା ପାଇଁ କେବେ ବି ପଛଘୁଞ୍ଚା ଦେଇନାହୁଁ। ଗୋପନୀୟତା କେବଳ ସାମ୍ବାଦିକ ଏବଂ ରାଜନେତାଙ୍କ ପାଇଁ ନୁହେଁ, ଏହା ସାଧାରଣ ଲୋକଙ୍କ ଅଧିକାର ମଧ୍ୟ ଅଟେ। ଗଣତନ୍ତ୍ରର ଏକ ଗୁରୁତ୍ୱପୂର୍ଣ୍ଣ ସ୍ତମ୍ଭ ହୋଇଥିବା ସାମ୍ବାଦିକ ସ୍ୱାଧୀନତା ଗୁରୁତ୍ୱପୂର୍ଣ୍ଣ ହୋଇଥିବାବେଳେ ସାମ୍ବାଦିକଙ୍କ ଉତ୍ସର ସୁରକ୍ଷା ମଧ୍ୟ ଗୁରୁତ୍ୱପୂର୍ଣ୍ଣ।

ସର୍ବୋଚ୍ଚ ଅଦାଲତ ଆହୁରି କହିଛନ୍ତି ଯେ ଏହି ମାମଲାରେ ଅନେକ ରିପୋର୍ଟ ଆସିଛି। ଏହି ମାମଲାରେ କୋର୍ଟ କେନ୍ଦ୍ର ସରକାରଙ୍କୁ ନୋଟିସ ଜାରି କରି ଏହାର ଜବାବ ମାଗିଛନ୍ତି। ଜୀବନର ଉନ୍ନତି ପାଇଁ ଟେକ୍ନୋଲୋଜି ହେଉଛି ସର୍ବୋତ୍ତମ ଉପକରଣ, ଆମେ ମଧ୍ୟ ଏହା ବିଶ୍ୱାସ କରୁ। ଜୀବନ ଏବଂ ସ୍ୱାଧୀନତାର ଅଧିକାର ସର୍ବୋଚ୍ଚ, ସେମାନଙ୍କ ମଧ୍ୟରେ ସନ୍ତୁଳନ ମଧ୍ୟ ଆବଶ୍ୟକ। ଟେକ୍ନୋଲୋଜି ଉପରେ ଆପତ୍ତି ପ୍ରମାଣ ଉପରେ ଆଧାରିତ ହେବା ଉଚିତ୍। ସାମ୍ବାଦିକର ସ୍ୱାଧୀନତା ଉପରେ କୌଣସି ପ୍ରଭାବ ପଡ଼ିବା ଉଚିତ୍ ନୁହେଁ।'

ସୂଚନା ମୁତାବକ ପେଗାସସ୍ ଗୁପ୍ତଚର ମାମଲାରେ ନିରପେକ୍ଷ ତଦନ୍ତ ପାଇଁ ୧୫ ଟି ଆବେଦନ କରାଯାଇଥିଲା। ବରିଷ୍ଠ ସାମ୍ବାଦିକ ଏନ ରାମ, ସାଂସଦ ଜନ୍ ବ୍ରିଟାସ୍ ଏବଂ ଯଶବନ୍ତ ସିହ୍ନାଙ୍କ ସମେତ ଅନେକ ଲୋକ ଏହି ପିଟିସନ ଦାଖଲ କରିଥିଲେ।  ପ୍ରାୟ ୩୦୦ ପ୍ରାମାଣିକ ଭାରତୀୟ ଫୋନ୍ ନମ୍ବର,  ଯାହା ପେଗାସସ୍ ସଫ୍ଟୱେର୍ ମାଧ୍ୟମରେ ଗୁପ୍ତଚର ହେବାର ସମ୍ଭାବ୍ୟ ଟାର୍ଗେଟ୍‌ ଥିଲା ବୋଲି ଆନ୍ତର୍ଜାତୀୟ ଗଣମାଧ୍ୟମ ଗୋଷ୍ଠୀ ରିପୋର୍ଟ ଦେଇଥିଲା।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos