ଥାଣେ: ଏମିତି ବି ଦୁଃଖ ଆସେ। ଏମିତିବି ସମୟ ଆସେ। ଦୁର୍ଘଟଣାରେ ବାପା-ମା ଚାଲିଗଲେ। କିନ୍ତୁ ଛୁଆ ବଞ୍ଚିଯାଇଛି। ଶିରିଡ଼ିରୁ ମୁମ୍ବାଇ ଯାଉଥିବା ଏକ ବାଇକ୍ ଦୁର୍ଘଟଣାଗ୍ରସ୍ତ ହେବାରୁ ସେଥିରେ ଥିବା ବାପା-ମାଙ୍କର ମୃତ୍ୟୁ ଘଟିଥିବା ବେଳେ ଛୋଟ ଝିଅଟି ବଞ୍ଚିଯାଇଛି। ଏହି ବାଇକ୍ରେ ସ୍ୱାମୀ-ସ୍ତ୍ରୀ ଏବଂ ତାଙ୍କ ଝିଅ ଯାଉଥିବା ବେଳେ ଏକ କଣ୍ଟେନର ସେମାନଙ୍କ ଉପରକୁ ମାଡ଼ିଯାଇଥିଲା। ମୃତକ ୨ ଜଣ ହେଲେ ସ୍ୱାମୀ ମନୋଜ ଜୋଶୀ(୩୪) ଏବଂ ମାନସୀ(୩୦) । ମୁମ୍ବାଇ ନାସିକ୍ ହାଇୱେରେ ଭିୱାଣ୍ଡି ତାଲୁକାରେ ଏହି ଘଟଣା ଘଟିଛି।
ଉଭୟ ସ୍ୱାମୀ-ସ୍ତ୍ରଙ୍କଘର ଭାନଦୁପ ଅଞ୍ଚଳରେ। ସାଇବାବାଙ୍କ ଦର୍ଶନ ପାଇଁ ନିଜ ଝିଅ ସହ ଏହି ଦମ୍ପତ୍ତି ଶିରିଡ଼ି ଯାଉଥିଲେ। ସେମାନେ ଯେତେବେଳେ ୟେଭାଇ ଗାଁରେ ପହଞ୍ଚିଲେଳ ପଛପଟୁ ଆସୁଥିବା ଏକ ବଡ଼ କଣ୍ଟେନର ତାଙ୍କ ଉପରକୁ ମାଡ଼ିଯାଇଥିଲା। ଘଟଣାସ୍ଥଳରରେ ସ୍ୱାମୀ-ସ୍ତ୍ରୀଙ୍କ ମୃତ୍ୟୁ ଘଟିଥିବା ବେଳେ ଛୋଟ ଶିଶୁଟି ସୌଭାଗ୍ୟକ୍ରମେ ବଞ୍ଚିଯାଇଛି। ତାକୁ ମେଡିକାଲରେ ଭର୍ତ୍ତି କାଯାଇଛି। ପୁଲିସ ଘଟଣାର ତଦନ୍ତ ଆରମ୍ଭ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
