ନୂଆଦିଲ୍ଲୀ: ଭାରତର ରାଷ୍ଟ୍ରପତି ରାମନାଥ କୋବିନ୍ଦ ଆଜି ଛାତିରେ ଯନ୍ତ୍ରଣା ଅନୁଭବ କରିବାରୁ ତାଙ୍କୁ ଦିଲ୍ଲୀରେ ଥିବା ଆର୍ମି ହସ୍ପିଟାଲରେ ଭର୍ତ୍ତି କରାଯାଇଛି। ମେଡିକାଲ ବୁଲେଟିନରେ କୁହାଯାଇଛି ଯେ ୭୫ ବର୍ଷୀୟ ରାଷ୍ଟ୍ରପତି ରାମନାଥ କୋବିନ୍ଦ ଆଜି ସକାଳୁ ଛାତିରେ ଅସହଜ ଅନୁଭବ କରିଥିଲେ।
ଏଥିପାଇଁ ସେ ଆର୍ମି ରିସର୍ଚ୍ଚ ଆଣ୍ଡ ରେଫରାଲ ହସ୍ପିଟାଲକୁ ଆସିଛନ୍ତି। ତାଙ୍କର ରୁଟିନ୍ ଚେକ ଅପ୍ କରାଯାଇଛି ଓ ସେ ଏବେ ଡାକ୍ତରଙ୍କ ନୀରିକ୍ଷଣରେ ରହିଛନ୍ତି। ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଥିବା ହସ୍ପିଟାଲ ପକ୍ଷରୁ ଜାରି ବୁଲେଟିନ୍ରେ କୁହାଯାଇଛି। ଏହାବାଦ ରାଷ୍ଟ୍ରପତିଙ୍କ ସ୍ୱାସ୍ଥ୍ୟ ସମ୍ପର୍କରେ ଆଉ କୌଣସି ସୂଚନା ମିଳିନାହିଁ।
President Ram Nath Kovind visited Army Hospital (R&R) following chest discomfort this morning. He is undergoing routine check-up and is under observation. His condition is stable: Army Hospital (R&R)
(file photo) pic.twitter.com/A5hfrA3HXW
— ANI (@ANI) March 26, 2021
ନିକଟରେ ରାଷ୍ଟ୍ରପତି ରାମନାଥ କୋଭିନ୍ଦ ଓ ତାଙ୍କ ପତ୍ନୀ ଓଡ଼ିଶା ଗସ୍ତରେ ଆସିଥିଲେ। ଏଠାରେ ସେମାନେ ଜଗନ୍ନାଥ ଦର୍ଶନ କରିବା ସହ କୋଣାର୍କର ଐତିହ୍ୟ ବୁଲି ଦେଖିଥିଲେ।