ଗଞ୍ଜାମରୁ ସୁରତ ଯାଉଥିବା ବସ୍ ଦୁର୍ଘଟଣାଗ୍ରସ୍ତ: ୮ ମୃତ, ୨୦ ଆହତ

ରାୟପୁର: ଗଞ୍ଜାମରୁ ଶ୍ରମିକଙ୍କୁ ନେଇ ଗୁଜରାଟର ସୁରତ ଅଭିମୁଖେ ଯାଉଥିବା ଏକ ବସ୍ ଦୁର୍ଘଟଣାଗ୍ରସ୍ତ ହୋଇଛି। ଛତିଶଗଡ଼ର ରାୟପୁର ନିକଟସ୍ଥ ଚେରିଖେଡ଼ି ଅଞ୍ଚଳରେ ଆଜି ଭୋରରେ ଏକ ଟ୍ରକ୍ ସହିତ ବସ୍‌ଟିର ମୁହାଁମୁହିଁ ଧକ୍କା ହୋଇଥିଲା। ଏଥିରେ ୮ ଜଣଙ୍କ ମୃତ୍ୟୁ ଘଟିଥିବା ବେଳେ ୨୦ ଜଣ ଆହତ ହୋଇଛନ୍ତି। ସେହିପରି ୭ ଜଣଙ୍କ ଅବସ୍ଥା ଗୁରୁତର ରହିଛି।

ଏହି ଘଟଣାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦୁଃଖପ୍ରକାଶ କରିଛନ୍ତି ଏବଂ ସେମାନଙ୍କ ପରିବାର ଲୋକଙ୍କୁ ସମବେଦନା ଜଣାଇଛନ୍ତି। ଏହା ସହିତ ପ୍ରତ୍ୟେକ ମୃତକଙ୍କ ପରିବାରକୁ ୨ ଲକ୍ଷ ଟଙ୍କା ଲେଖାଏଁ ସହାୟତା ରାଶି ପ୍ରଦାନ କରିବାକୁ ସେ ନିର୍ଦ୍ଦେଶ ଦେଇଛନ୍ତି। ସେହିଭଳି ଆହତମାନଙ୍କୁ ମାଗଣାରେ ଚିକିତ୍ସାସେବା ଯୋଗାଇ ଦେବାକୁ ମୁଖ୍ୟମନ୍ତ୍ରୀ ଘୋଷଣା କରିଛନ୍ତି।

ମନ୍ତ୍ରୀ ସୁଶାନ୍ତ ସିଂହଙ୍କୁ ଯଥାଶୀଘ୍ର ରାୟପୁର ଯାଇ ଆହତମାନଙ୍କୁ ଆବଶ୍ୟକ ସହାୟତା ଯୋଗାଇ ଦେବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି। ତା’ସହିତ ଛତିଶଗଡ଼ ଡିଜିପିଙ୍କ ସହିତ ଯୋଗାଯୋଗରେ ରହିବାକୁ ରାଜ୍ୟ ଡିଜିପିଙ୍କୁ ସେ ନିର୍ଦ୍ଦେଶ ଦେଇଛନ୍ତି।

ଡିଜିପି ଅଭୟ କହିଛନ୍ତି ଯେ ସେମାନେ ଛତିଶଗଡ଼ର ବରିଷ୍ଠ ପୁଲିସ୍ ଅଧିକାରୀଙ୍କ ସହ ଯୋଗାଯୋଗରେ ଅଛନ୍ତି। ପଦ୍ମପୁର SDPOଙ୍କ ନେତୃତ୍ୱରେ ଗୋଟିଏ ଟିମ୍ ରାୟପୁର ଯାଇଛି।


ଡିଜିପି ଆହୁରି କହିଛନ୍ତି, ୭ ଗୁରୁତରଙ୍କୁ ରାୟପୁର ମେଡିକାଲ କଲେଜ୍ ନିଆଯାଇଛି। ବସ୍‌ରେ ଥିବା ବାକି ୫୯ ଯାତ୍ରୀ ସୁରକ୍ଷିତ ଅଛନ୍ତି।

ଆହୁରି ପଢ଼ନ୍ତୁ

ବାବ୍ରି ମସଜିଦ୍ ଭଙ୍ଗା ଷଡ଼ଯନ୍ତ୍ର ନଥିଲା, ସମସ୍ତ ୩୨ ଅଭିଯୁକ୍ତ ଦୋଷମୁକ୍ତ

ରାଜ୍ୟରେ ୩୪୪୩ ନୂଆ କରୋନା ଆକ୍ରାନ୍ତ ଚିହ୍ନଟ

ଝିଅକୁ ଘରକୁ ନେବା ପାଇଁ ଗୁହାରୀ କଲା ମା’, ରାତିରେ ଅନ୍ତିମ ସଂସ୍କାର କରିଦେଲା ପୁଲିସ

‘ଓଟିଭି’ ବିରୋଧରେ ଉଡ଼ା ଖବର ପ୍ରସାରଣ କରୁଛନ୍ତି ସରକାରୀ ପ୍ରୋତ୍ସାହିତ ଚାନେଲ

‘ଏବେ ବି ବହୁ ଲୋକଙ୍କ ପ୍ରତି ରହିଛି କରୋନା ବିପଦ’

ନଭେମ୍ବର ୩ରେ ବାଲେଶ୍ୱର, ତିର୍ତ୍ତୋଲ ଉପନିର୍ବାଚନ

ରାଜ୍ୟରେ ୩୦୬୭ ନୂଆ କରୋନା ଆକ୍ରାନ୍ତ ଚିହ୍ନଟ, ଖୋର୍ଦ୍ଧାରୁ କେବଳ ୫୫୫

ସୁପରସ୍ପ୍ରେଡର ହେଲେ ପର୍ଯ୍ୟଟନ ମନ୍ତ୍ରୀ,ବିପଦରେ ଅନେକଙ୍କ ଜୀବନ !

ଆନୁଗତ୍ୟ ଓ ପରିଶ୍ରମ ନୁହେଁ, ଦେଲେ ବିଜେଡିରେ ପଦବୀ ମିଳେ: କଳ୍ପତରୁ

ଆଉ ୬ ବିଧାୟକଙ୍କୁ କରୋନା

ରାଜ୍ୟରେ ୩୨୩୫ କରୋନା ଆକ୍ରାନ୍ତ ଚିହ୍ନଟ, ଖୋର୍ଦ୍ଧା ୫୦୦ ପାର୍‌

ଓଡ଼ିଶାର ଲଦାଖ ପାଲଟିଥିବା ହାତିଆ ମୁଣ୍ଡିଆ ଏବେ ନିଷିଦ୍ଧାଞ୍ଚଳ