ଶ୍ରୀନଗର: ମଙ୍ଗଳବାର ବାଲାକୋଟ୍ରେ ଭାରତର ଧ୍ୱଂସଲୀଳା ପରେ ଅଶାନ୍ତ ପାକିସ୍ତାନ ପ୍ରତିକ୍ରିୟା ରଖିବାର ପ୍ରୟାସ କରିଥିଲେ ମଧ୍ୟ ଭାରତ ଏହାକୁ ନିଷ୍ଫଳ କରିଦେଇଛି। ଗୋଟିଏ ଏଫ୍-୧୬ ପାକିସ୍ତାନୀ ଜେଟ୍ ଭାରତ ସମୀ ଅତି କ୍ରମ କରିବାର ପ୍ରୟାସ କରୁଥିବାବେଳେ ଭାରତୀୟ ସେନାର ଗୁଳିମାଡ଼ରେ ଏହା ଖସିପଡ଼ିଥିବା ଜଣାପଡ଼ିଛି। ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ, ଏଫ୍-୧୬ ସହିତ ଏକ ପାରାଚ୍ୟୁଟ୍ ଖସୁଥିବାର ଦେଖିବାକୁ ମିଳିଥିଲା, କିନ୍ତୁ ପାଇଲଟ୍ଙ୍କ ସ୍ଥିତି କ’ଣ ଜଣାପଡ଼ୁନି।
ବୁଧବାର ସକାଳେ ଜମ୍ମୁକଶ୍ମୀରର ରଜୌରୀ ଜିଲ୍ଲାରେ ଭାରତୀୟ ସୀମା ମଧ୍ୟରେ ଏକାଧିକ ପାକିସ୍ତାନୀ ବିମାନ ପଶିଆସିଥିବା ସୂଚନା ମିଳିଥିଲା। ଏହାପରେ ଭାରତ ପକ୍ଷରୁ ଏହାର ଦୃଢ଼ ଜବାବ ଦିଆଯିବା ପରେ ଏହି ଜେଟ୍ ସବୁ ପୁଣି ପାକିସ୍ତାନ ମୁହାଁ ହୋଇଥିଲେ। ତେବେ ଭାରତୀୟ ସେନା ଗୋଟିଏ ଜେଟ୍ ଖସାଇପାରିଛି ଯାହାକି ନୌଶେରାର ଲାମ୍ ଭ୍ୟାଲିଠାରେ ଖସିଥିବା ସନ୍ଦେହ କରାଯାଉଛି।
ଅନ୍ୟପକ୍ଷରେ ଆକାଶ ମାର୍ଗ ଅଶାନ୍ତ ହୋଇଥିବାରୁ ଜମ୍ମୁ, ଶ୍ରୀନଗର ଏବଂ ଲେହ ଆଦି ପାକିସ୍ତାନ ସୀମାବର୍ତ୍ତୀ ଅଞ୍ଚଳରେ ବିମାନ ଉଡ଼ାଣ ପରେ କଟକଣା ଲଗାଯାଇଛି। ଏୟାର ଭିସ୍ତାରା ପକ୍ଷରୁ କରାଯାଇଥିବା ଟ୍ୱିଟ୍ରେ କୁହାଯାଇଛି, ଅମୃତସର, ଚଣ୍ଡୀଗଡ଼, ଜମ୍ମୁରୁ ଉଡ଼ାଣ ଭରିବାକୁ ଥିବା ବିମାନର ଉଡ଼ାଣ ସ୍ଥଗିତ ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
