ଇନ୍ଦୋର: ମଧ୍ୟପ୍ରଦେଶରେ ବର୍ତ୍ତମାନ ଇନ୍ଦୋର ସହର କରୋନା ହଟ୍ସ୍ପଟ୍ ପାଲଟିଛି। ପୂର୍ବରୁ ବ୍ୟବସାୟିକ ଏବଂ ସାମାଜିକ-ସାଂସ୍କୃତିକ କାରଣ ପାଇଁ ଚର୍ଚ୍ଚିତ ଏହି ସ୍ଥାନରେ ବର୍ତ୍ତମାନ ବହୁ ସଂଖ୍ୟାରେ ମୁଣ୍ଡଯିବାରେ ଲାଗିଛି। ରାଜ୍ୟର ମୋଟ ୩୬ ମୃତ୍ୟୁରୁ କେବଳ ଇନ୍ଦୋରରେ ୨୭ ଜଣଙ୍କ ଜୀବନ ଯାଇଛି।
ଜାତୀୟ ହାରଠାରୁ ଇନ୍ଦୋରରେ ମୃତ୍ୟୁ ହାର ସବୁଠାରୁ ଅଧିକ ଅଛି। ଏଠାରେ ମୃତ୍ୟୁ ହାର ୧୧% ରହିଛି। ଏଠାରେ ଆକ୍ରାନ୍ତଙ୍କ ସଂଖ୍ୟା ରାଜ୍ୟର ମୋଟ ଆକ୍ରାନ୍ତଙ୍କ ସଂଖ୍ୟାର ଅଧା ବୋଲି ଜଣାପଡ଼ିଛି। ଅନ୍ୟପକ୍ଷରେ ଇନ୍ଦୋରରେ ଥିବା କବରସ୍ଥାନରେ ସମାଧି ପାଇଁ ଆସୁଥିବା ଶବ ସଂଖ୍ୟା ପ୍ରଶାସନର ଚିନ୍ତା ବଢ଼ାଇ ଦେଇଛି।
ବିଭିନ୍ନ କାରଣରୁ ଗତ ୯ ଦିନରେ ଏଠାରେ ୧୮୩ ଜଣଙ୍କୁ ସମାଧି ଦିଆଗଲାଣି। ତେବେ ମାର୍ଚ୍ଚ ପୂର୍ବରୁ ମଧ୍ୟ ଏଠାରେ ଲଗାତାର ବିଭିନ୍ନ ରୋଗ କାରଣରୁ ମୃତ୍ୟୁ ସଂଖ୍ୟା ଅଧିକ ରହିଥିଲା। ମାର୍ଚ୍ଚରେ ୧୩୦ ଜଣଙ୍କୁ ସମାଧି ଦିଆଯାଇଥିବାବେଳେ ଫେବୃଆରୀରେ ୯୮ ଏବଂ ଜାନୁଆରୀରେ ୧୧୩ ଜଣଙ୍କୁ ସମାଧି ଦିଆଯାଇଛି। ଏମାନଙ୍କର ମୃତ୍ୟୁ ପଛରେ ରକ୍ତଚାପ, ମଧୁମେହ ଏବଂ ଅନ୍ୟ ସମସ୍ୟା ଆଦି କାରଣ ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
