ବାଗଦାଦ: ମଙ୍ଗଳବାର ବିଳମ୍ବିତ ରାତିରେ ଇରାକ ପାର୍ଲାମେଣ୍ଟ ସ୍ପିକର ମୋହମ୍ମଦ ଅଲ-ହଲବୁସୀଙ୍କ ଘର ଉପରକୁ ରକେଟ ମାଡ଼ ହୋଇଛି। ଏହି ଘଟଣାରେ ସ୍ପିକରଙ୍କ ସ୍ଥିତି ସ୍ପଷ୍ଟ ହୋଇ ନ ଥିବା ବେଳେ ୨ ଛୁଆ ଗୁରୁତର ହୋଇଥିବା ଜଣାଯାଇଛି।
ସୂଚନା ଅନୁଯାୟୀ, ୩ଟି ରକେଟ ରାଜଧାନୀ ବାଗଦାଦର ପଶ୍ଚିମ ଦିଗରେ ଗୁରମା ଜିଲ୍ଲା ଅଧୀନ ମୋହମ୍ମଦ ଅଲ-ହଲବୁସୀଙ୍କ ଘରଠୁ ପ୍ରାୟ ୫ଶହ ମିଟର ଦୂରରେ ପଡ଼ିଛି ।
ମୋହମ୍ମଦ ଅଲ-ହଲବୁସୀଙ୍କୁ ଦ୍ୱିତୀୟ ଥର ପାଇଁ ସ୍ପିକର ରୂପେ ବଛା ଯାଇଥିବା ବେଳେ ଏନେଇ ଇରାକର ସର୍ବୋଚ୍ଚ ଅଦାଲତ ପକ୍ଷରୁ ଗତକାଲି ଘୋଷଣା କରାଯାଇଥିଲା। ଏହି ଘୋଷଣାର କିଛି ସମୟ ପରେ ଏହି ହାମଲା ହୋଇଥିଲା। ମୋହମ୍ମଦ ଅଲ-ହଲବୁସୀଙ୍କୁ ଟାର୍ଗେଟ କରି ଏହି ମାଡ଼ କରାଯାଇଥିବା ବେଳେ ଉକ୍ତ ସମୟରେ ସେ ଘରେ ଥିଲେ କି ନାହିଁ ତାହା ସ୍ପଷ୍ଟ ହୋଇନି।
ଇରାକ ପୁଲିସ୍ ପକ୍ଷରୁ କୁହାଯାଇଛି, ଏହି ଦୁର୍ଘଟଣାରେ ଗୁରୁତର ୨ ଶିଶୁଙ୍କୁ ଗୁରମାସ୍ଥିତ ହସ୍ପିଟାଲରେ ଭର୍ତ୍ତି କରାଯାଇଛି। ପୁଲିସ୍ ଘଟଣାର ତଦନ୍ତ ଆରମ୍ଭ କରିଥିବା ବେଳେ ଏ ପର୍ଯ୍ୟନ୍ତ କୌଣସି ସଙ୍ଗଠନ ଏଥିପାଇଁ ନିଜକୁ ଦାୟୀ କରି ନାହାନ୍ତି।
୪୧ ବର୍ଷୀୟ ହଜବୁସି ଜଣେ ସୁନି ନେତା ହୋଇଥିବା ବେଳେ ୨୦୧୮ ମସିହାରୁ ଇରାକ ପାର୍ଲାମେଣ୍ଟର ଅଧ୍ୟକ୍ଷତା କରୁଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
