ଶ୍ରୀନଗର: ଜମ୍ମୁ ଓ କାଶ୍ମୀରର ଶୋପିଆନ୍ ଜିଲ୍ଲାରେ ଗୁରୁବାର ଭୋରରେ ଯବାନଙ୍କ ଗୁଳିରେ ଦୁଇ ଜଣ ଆତଙ୍କବାଦୀ ନିହତ ହୋଇଛନ୍ତି। ନିହତ ଦୁଇ ଆତଙ୍କବାଦୀ ହେଉଛନ୍ତି ହିଜବୁଲ୍ ମୁଜାହିଦ୍ଦୀନର ଟପ୍ କମାଣ୍ଡର ୱସୀମ ମାଲା ଓ ନସୀର ଅହମଦ ପଣ୍ଡିତ। ନସୀର ଗତବର୍ଷ ଜମ୍ମୁ ଓ କାଶ୍ମୀରର ତତ୍କାଳୀନ ସୂଚନା ପ୍ରସାରଣ ମନ୍ତ୍ରୀ ଅଲତାଫ୍ ବୁଖାରୀଙ୍କ ଘରେ ମୁତୟନ ସୁରକ୍ଷାକର୍ମୀଙ୍କଠାରୁ ଏକ ରାଇଫଲ୍ ନେଇ ଫେରାର ହୋଇଯାଇଥିଲା।
ବୁଧବାର ବିଳମ୍ବିତ ରାତିରୁ ଯବାନଙ୍କ ସହିତ ଏହି ଆତଙ୍କବାଦୀମାନଙ୍କର ଗୁଳିବିନିମୟ ଆରମ୍ଭ ହୋଇଥିଲା। ଭାରତୀୟ ଯବାନମାନଙ୍କୁ ସୂଚନା ମିଳିଥିଲା ଯେ ଦକ୍ଷିଣ କାଶ୍ମୀରର ଶୋପିଆନ୍ ଅଞ୍ଚଳରେ କିଛି ଆତଙ୍କବାଦୀ ଲୁଚି ରହିଛନ୍ତି। ଏହା ପରେ ସେନା ପକ୍ଷରୁ ଉକ୍ତ ସ୍ଥାନରେ ଏନ୍କାଉଣ୍ଟର କରାଯାଇଥିଲା। ନିହତ ଦୁଇ ଆତଙ୍କବାଦୀଙ୍କଠାରୁ ଅସ୍ତ୍ରଶସ୍ତ୍ର ଜବତ କରାଯାଇଛି।
ଉକ୍ତ ଅଞ୍ଚଳରେ ସେନାର ସର୍ଚ୍ଚ ଅପରେସନ୍ ଜାରି ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
