ନୂଆଦିଲ୍ଲୀ: ମହାନ ସ୍ୱାଧୀନତା ସଂଗ୍ରାମୀ ଭଗତ ସିଂହଙ୍କୁ ଜମ୍ମୁ-କଶ୍ମୀର ବିଶ୍ୱ ବିଦ୍ୟାଳୟର ଜୈନିକ ପ୍ରଫେସର ଆତଙ୍କବାଦୀ ବୋଲି ସମ୍ବୋଧନ କରି ଅଡ଼ୁଆରେ ପଡ଼ିଛନ୍ତି। ଯେଉଁ ଭଗତ ସିଂହ ଦେଶ ପାଇଁ ଜୀବନ ଦେଇଥିଲେ ତାଙ୍କୁ ଏଭଳି କହି ଅପମାନିତ କରିଥିବାରୁ ଉକ୍ତ ପ୍ରଫେସରଙ୍କୁ ଚାକିରିରୁ ନିଲମ୍ବନ କରାଯାଇଛି।
ବିଶ୍ୱ ବିଦ୍ୟାଳୟର ରାଜନୀତିକ ବିଭାଗର ପ୍ରଫେସର ତାଜୁଦ୍ଦିନ ଶ୍ରେଣୀରେ ପିଲାମାନଙ୍କୁ ପାଠ ପଢ଼ାଉଥିବା ବେଳେ ହଠାତ୍ ଭଗତ ସିଂହଙ୍କୁ ଆତଙ୍କବାଦୀ ବୋଲି କହିଥିଲେ।
ତେବେ ଏହାକୁ ଶ୍ରେଣୀରେ ଉପସ୍ଥିତ ଥିବା ଛାତ୍ରଛାତ୍ରୀମାନେ ବିରୋଧ କରିବା ସହ ପ୍ରଫେସରଙ୍କ ନାଁରେ ଏକ ମାମଲା ମଧ୍ୟ ରୁଜୁ କରିଥିଲେ। ପରବର୍ତ୍ତୀ ଅବସ୍ଥାରେ ପ୍ରଫେସର ଜଣଙ୍କ କ୍ଷମା ମାଗିଥିଲେ ହେଁ ବିଶ୍ୱ ବିଦ୍ୟାଳୟ କର୍ତ୍ତୃପକ୍ଷ ତାଙ୍କୁ ଚାକିରିରୁ ନିଲମ୍ବନ କରିଛନ୍ତି। ଏଥିସହ ଘଟଣାର ତଦନ୍ତ ପାଇଁ ଏକ କମିଟି ଗଠନ କରାଯାଇଥିବା ଜଣାପଡ଼ିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
