ତୈଳଦର ୨ ଟଙ୍କା ହ୍ରାସ କଲେ କର୍ଣ୍ଣାଟକା ସରକାର, କେନ୍ଦ୍ର କୋର୍ଟକୁ ବଲ୍‌ ଫିଙ୍ଗି ଓଡ଼ିଶା ସରକାର ଚୁପ୍‌

ପୁଣି ମହଙ୍ଗା ହେଲା ପେଟ୍ରୋଲ ଓ ଡିଜେଲ୍‌ ଦର

ନୂଆଦିଲ୍ଲୀ: ଗୋଟିଏ ପଟେ ଦେଶରେ ତୈଳଦର କ୍ରମାଗତ ଭାବେ ବୃଦ୍ଧି ପାଉଥିବା ବେଳେ  କର୍ଣ୍ଣାଟକା  ସରକାର ରାଜ୍ୟବାସୀଙ୍କୁ କିଛିମାତ୍ରାରେ ଆଶ୍ୱସ୍ତ କରିଛନ୍ତି। କର୍ଣ୍ଣାଟକା  ମୁଖ୍ୟମନ୍ତ୍ରୀ ଏଚ୍‌ଡି କୁମାରସ୍ୱାମୀ ଆଜି ତୈଳଦର ଉପରେ ଦୁଇ ଟଙ୍କା ହ୍ରାସ କରିବା ନେଇ ଘୋଷଣା କରିଛନ୍ତି। ଆଜି ମଧ୍ୟରାତ୍ରରୁ ଏହି ରିହାତି ଲାଗୁ ହେବ ବୋଲି ସେ କହିଛନ୍ତି। ଆଜି  କର୍ଣ୍ଣାଟକାରେ ପେଟ୍ରୋଲର ଲିଟର୍‌ ପିଛା ଦର ୮୪ ଟଙ୍କା ଥିବା ବେଳେ ଡିଜେଲ୍‌ ଦର ୭୬ ଟଙ୍କା ରହିଛି।
 
ବର୍ଦ୍ଧିତ ଦରକୁ ଦୃଷ୍ଟିରେ ରଖି ବିଭିନ୍ନ ରାଜ୍ୟର ସରକାରମାନେ ତୈଳଦର ଉପରେ ସଂଗ୍ରହ କରୁଥିବା ଟିକସକୁ ହ୍ରାସ କରିବାକୁ ଉଦ୍ୟମ କରିଛନ୍ତି। କର୍ଣ୍ଣାଟକା ସରକାରଙ୍କ ପୂର୍ବରୁ ରାଜସ୍ଥାନର ସରକାର ତୈଳଦର ଉପରୁ ୪% ଭ୍ୟାଟ୍‌ ହ୍ରାସ କରିଥିବା ବେଳେ ପଶ୍ଚିମବଙ୍ଗ ସରକାର ୧ ଟଙ୍କା ଏବଂ ଆନ୍ଧ୍ରପ୍ରଦେଶ ସରକାର ପେଟ୍ରୋଲ ଏବଂ ଡିଜେଲ ଦର ୨ ଟଙ୍କା ହ୍ରାସ କରିଥିଲେ। 
 
ଅନ୍ୟପକ୍ଷରେ ଆଜି ପୁଣିଥରେ ବିଭିନ୍ନ ତୈଳ କମ୍ପାନୀଗୁଡ଼ିକ ପକ୍ଷରୁ ପେଟ୍ରୋଲ୍‌ ଓ ଡିଜେଲ୍‌ ଦର ବୃଦ୍ଧି କରାଯାଇଛି। ଆଜି ମୁମ୍ବାଇରେ ପେଟ୍ରୋଲ୍‌ର ଲିଟର୍‌ ପିଛାଦର ୮୯.୪୪ ଟଙ୍କା ଥିବା ବେଳେ ଡିଜେଲ୍‌ ଲିଟର୍‌ ପିଛା ୭୮.୩୩ ଟଙ୍କାରେ ବିକ୍ରି ହେଉଛି।ମହାରାଷ୍ଟ୍ରର 11ଟି ସହରରେ ପେଟ୍ରୋଲର ଲିଟର ପିଛା ଡର 90 ଟଙ୍କାରୁ ଉର୍ଦ୍ଧ୍ବରେ ରହିଛି। ପରଭାନି ସହରରେ  ଆଜି ପେଟ୍ରୋଲ ଲିଟର ପିଛା 91 ଟଙ୍କା 25 ପଇସାରେ ବିକ୍ରି ହେଉଛି। 
 
ଦିଲ୍ଲୀରେ ପେଟ୍ରୋଲର ଲିଟର୍‌ ପିଛା ଦର ୧୫ ପଇସା ବଢ଼ିଥିବା ବେଳେ ଡିଜେଲ୍‌ ଦର ୬ ପଇସା ମହଙ୍ଗା ହୋଇଛି। ଏହି ବର୍ଦ୍ଧିତ ଦର ପରେ ଦିଲ୍ଲୀରେ ପେଟ୍ରୋଲର ଲିଟର୍‌ ପିଛାଦର ୮୨.୦୬ ଟଙ୍କା ହୋଇଥିବା ବେଳେ ଡିଜେଲ୍‌ର ଲିଟର୍‌ ପିଛା ଦର ୭୩.୭୮ ଟଙ୍କା ରହିଛି।
 
ଭୁବନେଶ୍ୱରେ ପେଟ୍ରୋଲରର ଲିଟର୍‌ ପିଛା ଦର ୮୦.୯୩ ଟଙ୍କା ଓ ଡିଜେଲ୍‌ର ଲିଟର୍‌ ପିଛା ଦର ୭୯.୨୦ ଟଙ୍କା ରହିଛି।
 
ଓଡ଼ିଶାରେ ପେଟ୍ରୋଲ ଓ ଡିଜେଲ୍‌ ଦର ଆକାଶ ଛୁଆଁ ହୋଇଥିଲେ ହେଁ କ୍ଷମତାସୀନ ବିଜେଡି ସରକାର ସାଧାରଣ ଲୋକଙ୍କୁ ଆଶ୍ୱସ୍ତି ଦେବା ପାଇଁ ତୈଳଦର ଉପରେ ଲାଗୁ କରୁଥିବା ଭ୍ୟାଟ୍‌ ହ୍ରାସ କରିବା ନେଇ କୌଣସି ଘୋଷଣା କରୁନାହାନ୍ତି। କେବଳ କେନ୍ଦ୍ର ସରକାରଙ୍କ କୋର୍ଟଙ୍କୁ ବଲ୍‌ ଫିଙ୍ଗି ରାଜ୍ୟ ସରକାର ନିଜ ମୁଣ୍ଡରୁ ଦୋଷ ଛଡ଼ାଇବାରେ  ଲାଗିଛନ୍ତି।

ଆହୁରି ପଢ଼ନ୍ତୁ

ଜେରାର ସମ୍ମୁଖୀନ ହେବେ ରିୟା, ଇଡି ପଠାଇଲା ସମନ

ସୁଶାନ୍ତ ମୃତ୍ୟୁ ମାମଲା: ରିୟାଙ୍କ ଆବେଦନ ଉପରେ କ’ଣ କହିଲେ ସୁପ୍ରିମକୋର୍ଟ

ମନ୍ଦିର ପାଇଁ ଶିଳାନ୍ୟାସ କରିବା ପରେ ଦେଶବାସୀଙ୍କୁ କ’ଣ କହିଲେ ମୋଦି

କେମିତି ହେବ ଭବ୍ୟ ରାମ ମନ୍ଦିର, ସଂକ୍ଷେପରେ ଜାଣନ୍ତୁ ରୂପରେଖ

ସୁଶାନ୍ତଙ୍କ ମୃତ୍ୟୁର ତଦନ୍ତ କରିବ ସିବିଆଇ, ମିଳିଲା କେନ୍ଦ୍ରର ଅନୁମତି

ଅମାନିଆଙ୍କ ପାଇଁ ଜାରି ହେଲା ହ୍ୱାଟ୍ସଆପ୍‌ ନମ୍ୱର

ଟେଲର ଦୋକାନରୁ ଘରେ ଚଳେ, ମୋ ପୁଅ ଆଇଏଏସ ପାଇଛି

ନୂଆ ମ୍ୟାପ ଜାରି କଲା ପାକିସ୍ତାନ, କଶ୍ମୀର ସହ ଗୁଜରାଟ ଓ ଲଦାଖର କିଛି ଅଂଶକୁ ନିଜର ଦର୍ଶାଇଲା

୭ ଜିଲ୍ଲାରେ ପ୍ରବଳ ବର୍ଷିବ, ଜିଲ୍ଲାପାଳଙ୍କ ସତର୍କ କଲେ ଏସ୍‌ଆର୍‌ସି

ଅନ୍ତର୍ଜାତୀୟ ମାର୍କେଟରେ ରାଫେଲର ଚାହିଦା କାହିଁକି କମ?

ଭୁବନେଶ୍ୱରରୁ ୧୪୯ କରୋନା ଆକ୍ରାନ୍ତ ଚିହ୍ନଟ, ସେଥିରୁ ୫୧ ଲୋକାଲ୍‌ କେସ୍‌

ସିବିଆଇ ତଦନ୍ତ ସୁପାରିସ ପରେ କଥା ବଦଳାଇଲେ ରିୟା