ପୁଲ୍ୱାମା: ଆତଙ୍କବାଦୀଙ୍କ ଭୂସ୍ୱର୍ଗ କୁହାଯାଉଥିବା ପାକିସ୍ତାନ କଶ୍ମିରୀଙ୍କ ପାଇଁ ଦରଦ ଦେଖାଇ ଆସୁଥିବାବେଳେ ଏହି ରାଷ୍ଟ୍ରର ପ୍ରାୟୋଜିତ ଆତଙ୍କବାଦୀ ଲଗାତାର ଜମ୍ମୁ-କଶ୍ମୀରରେ ସ୍ଥିତି ବିଗାଡ଼ିବା ପ୍ରୟାସରେ ଲାଗିଛନ୍ତି। ପ୍ରଥମେ ଫଳ ଦୋକାନୀ ଏବଂ ଟ୍ରକ୍ ଡ୍ରାଇଭରଙ୍କ ଉପରେ ଆକ୍ରମଣ ପରେ ଏବେ ଶିକ୍ଷାନୁଷ୍ଠାନ ନିକଟରେ ମଧ୍ୟ ଭୟର ବାତାବରଣ ସୃଷ୍ଟି କରିବାର ଅପପ୍ରୟାସ କରିଛନ୍ତି ଆତଙ୍କବାଦୀ ସଂଗଠନ। ମିଳିଥିବା ସୂଚନା ଅନୁଯାୟୀ ପୁଲ୍ୱାମା ଜିଲ୍ଲାର ଏକ ପରୀକ୍ଷା କେନ୍ଦ୍ରରେ ଦଶମ ଶ୍ରେଣୀ ପରୀକ୍ଷା ଚାଲୁଥିବା ସମୟରେ ଏଭଳି ଆକ୍ରମଣ ହୋଇଛି।
ଏହି ଆତଙ୍କବାଦୀ ମାନେ ଭାରତୀୟ ସ୍ଥଳବାହିନୀ ଏବଂ ଅର୍ଦ୍ଧ ସାମରିକ ବାହିନୀ ଉପରକୁ ଅତର୍କିତ ଆକ୍ରମଣ କରିଥିଲେ। ଏହି ସୁରକ୍ଷାବହିନୀଙ୍କ କଡ଼ା ସୁରକ୍ଷା ମଧ୍ୟରେ ପରୀକ୍ଷା ଅନୁଷ୍ଠିତ ହେଉଥିଲା।
ପ୍ରାଥମିକ ସୂଚନା ଅନୁଯାୟୀ, ଭାରତୀୟ ସେନାର ଘନ ଘନ ପ୍ରତି ଆକ୍ରମଣରେ ଏହି ଆତଙ୍କବାଦୀ ଛତ୍ରଭଙ୍ଗ ଦେଇଥିଲେ। ଘଟଣାସ୍ଥଳରେ କେହି ମୃତାହତ ହୋଇନଥିବା ସୂଚନା ମିଳିଛି। ସୁରକ୍ଷା କର୍ମୀ ପୂରା ଅଞ୍ଚଳକୁ ଘେରାଉ କରି ଛାନ୍ଭିନ୍ ଜାରି ରଖିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
