ପାଣାଜୀ: ଗୋଆ ବିଧାନସଭାର ବିରୋଧୀ ଦଳ ନେତା ତଥା ବରିଷ୍ଠ କଂଗ୍ରେସ ନେତା ଚନ୍ଦ୍ରକାନ୍ତ କାଭଲେକର ବିଜେପିରେ ଯୋଗଦେଇଛନ୍ତି। ଏହି ଯୋଗଦାନ ପରେ ବିଜେପି ସରକାର ତାଙ୍କୁ ମନ୍ତ୍ରିମଣ୍ଡଳରେ ସ୍ଥାନ ଦେଇଛନ୍ତି।
ତାଙ୍କୁ ଏଯାଏ କୌଣସି ବିଭାଗ ମିଳିନାହିଁ। ତେବେ ଚନ୍ଦ୍ରକାନ୍ତଙ୍କୁ ଗୋଆର ଉପମୁଖ୍ୟମନ୍ତ୍ରୀ କରି କଂଗ୍ରେସକୁ ଚକମା ଦେବାକୁ କ୍ଷମତାସୀନ ବିଜେପି ସରକାର ଯୋଜନା କରୁଥିବା ଜଣାପଡ଼ିଛି।
ଆସନ୍ତାକାଲି ଚନ୍ଦ୍ରକାନ୍ତ ଗୋଆର ଉପମୁଖ୍ୟମନ୍ତ୍ରୀ ଭାବେ ଶପଥ ନେବେ। ମୁଖ୍ୟମନ୍ତ୍ରୀ ପ୍ରମୋଦ ସାୱନ୍ତ କହିଛନ୍ତି, “କଂଗ୍ରେସ ଛାଡ଼ି ବିଜେପିରେ ମିଶିଥିବା ୧୦ ବିଧାୟକଙ୍କ ମଧ୍ୟରୁ ୪ ଜଣଙ୍କୁ ମନ୍ତ୍ରିମଣ୍ଡଳରେ ସାମିଲ କରାଯାଇଛି। ଆସନ୍ତାକାଲି ସେମାନଙ୍କୁ ବିଭାଗ ବଣ୍ଟନ କରାଯିବ। ତେବେ ବିଧାନସଭାରେ ବିରୋଧୀ ଦଳ ନେତା ଥିବା ଚନ୍ଦ୍ରକାନ୍ତଙ୍କୁ ଗୋଆର ଉପମୁଖ୍ୟମନ୍ତ୍ରୀ କରାଯିବ।”