ଚନ୍ଦ୍ରପୁର: ବାପା-ମା’ଙ୍କ ପାଖରେ ଶୋଇଥିବା ମାତ୍ର ୯ ମାସର ଶିଶୁକୁ ବି ଛାଡ଼ିଲାନି ହିଂସ୍ର କଲରାପତରିଆ ବାଘ। ତାକୁ ଦାନ୍ତ ଲଗାଇ ଘୋଷାଡ଼ି ନେବା ସହ ଅଧ କିଲୋମିଟର ଦୂରରେ ଫୋପାଡ଼ି ଦେଇଛି। ଏଭଳି ଘଟଣା ମହାରାଷ୍ଟ୍ରରେ ଘଟିଛି।
ସ୍ଥାନୀୟ ବନ ବିଭାଗ ଅଧିକାରୀଙ୍କ କହିବା ଅନୁଯାୟୀ, ଘଟଣାସ୍ଥଳ ଏକ ଜଙ୍ଗଲର ନିକଟବର୍ତ୍ତୀ ଅଞ୍ଚଳ। ଏହି ଶିଶୁଟି ତା ବାପା ମା’ଙ୍କ ପାଖରେ ଶୋଇଥିବା ସମୟରେ ହିଁ କଲରାପତରିଆ ବାଘଟି ତାଙ୍କ ଘରେ ପଶିଥିଲା। ସମସ୍ତଙ୍କ ଅଜାଣତରେ ବାଘଟି ଶିଶୁଟିକୁ ଝାମ୍ପି ନେଇଥିଲା।
ଭୋର ସମୟରେ ଶିଶୁଟିକୁ ପାଖରେ ନ ଦେଖି ତା' ବାପା ମା’ ଅନ୍ୟମାନଙ୍କୁ ଡାକିଥିଲେ ଏବଂ ପୁଲିସ୍ରେ ଜଣାଇଥିଲେ। ଖୋଜାଖୋଜି କରାଯିବା ପରେ ଶିଶୁର ମରଶରୀର ଅଧ କିଲୋମିଟର ଦୂର ଏକ ସ୍ଥାନରେ ମିଳିଥିଲା। ବର୍ତ୍ତମାନ ବନ ବିଭାଗ କ୍ୟାମେରା ଏବଂ ଯନ୍ତା ଲଗାଇ ବାଘଟିକୁ ଧରିବାର ପ୍ରୟାସ ଆରମ୍ଭ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।