ହାର୍ଦ୍ଦିକଙ୍କୁ କାହିଁକି ଚାପୁଡ଼ା ମାରିଲେ ତରୁଣ

ନୂଆଦିଲ୍ଲୀ: ଗୁଜରାଟ୍‌ର ସୁରେନ୍ଦ୍ରନଗର ଠାରେ ପଟିଦାର ନେତା ତଥା କଂଗ୍ରେସର ଷ୍ଟାର ପ୍ରଚାରକ ହାର୍ଦ୍ଦିକ ପଟେଲଙ୍କୁ ଆଜି ଜଣେ ବ୍ୟକ୍ତି ସଭାମଞ୍ଚ ଉପରେ ଶକ୍ତ ଚାପୁଡ଼ା ମାରିଛନ୍ତି। ଏହାପରେ ହାର୍ଦ୍ଦିକ ଓ ତାଙ୍କ ସମର୍ଥକମାନେ ଚାପୁଡ଼ା ମାରିଥିବା ବ୍ୟକ୍ତିଙ୍କୁ ଅତ୍ୟନ୍ତ ଅମାନବୀୟ ଢଙ୍ଗରେ ମାଡ଼ ମାରିଥିଲେ। ହେଲେ ଚାପୁଡ଼ା ମାରିଥିବା ବ୍ୟକ୍ତି ଜଣଙ୍କ କିଏ? କାହିଁକି ସେ ହାର୍ଦ୍ଦିକଙ୍କୁ ଏଭଳି ମାଡ଼ ମାରିଲେ? ଏସବୁ ପ୍ରଶ୍ନର ଉତ୍ତର ଏବେ ସାମ୍ନାକୁ ଆସିଛି।

ମାଡ଼ ମାରିଥିବା ବ୍ୟକ୍ତି ଜଣଙ୍କ ନାଁ ତରୁଣ ଗଜ୍ଜାର। ସେ ଦୀର୍ଘ ଦିନରୁ ହାର୍ଦ୍ଦିକ ପଟେଲଙ୍କ ଉପରେ ପ୍ରତିଶୋଧ ନେବାକୁ ଚାହୁଁଥିଲେ। ସେ କହିଛନ୍ତି, ହାର୍ଦ୍ଦିକଙ୍କ ନେତୃତ୍ୱରେ ସମଗ୍ର ଗୁଜରାଟରେ ପଟିଦାର ଆନ୍ଦୋଳନ ଆରମ୍ଭ ହୋଇଥିଲା। ଏହି ଆନ୍ଦୋଳନ ସମୟରେ ହିଁ ମୋ ପତ୍ନୀ ଗର୍ଭବତୀ ହୋଇଥିଲେ। ତାଙ୍କୁ ମୁଁ ହସ୍ପିଟାଲ ନେବାକୁ ଚାହୁଁଥିଲେ ହେଁ ଆନ୍ଦୋଳନ ଯୋଗୁ ମୁଁ ଏଥିରେ ବହୁତ ଅସୁବିଧାର ସମ୍ମୁଖୀନ ହୋଇଥିଲି।

ସେହିପରି ପତ୍ନୀ ଓ ଛୁଆର ଚିକିତ୍ସା ବେଳେ ମୁଁ ଔଷଧ ଆଣିବାକୁ ଗଲାବେଳେ ହାର୍ଦ୍ଦିକ ଓ ତାଙ୍କ ଲୋକମାନେ ଜୋରଜବରଦସ୍ତି ସବୁ ଦୋକାନକୁ ବନ୍ଦ କରିଦେଇଥିଲେ। ସେ ରାସ୍ତା ବନ୍ଦ କରିବା ସହ ଗୁଜରାଟର ବିଭିନ୍ନ ସ୍ଥାନରେ ନିଜ ଇଚ୍ଛା ଅନୁସାରେ କାର୍ଯ୍ୟ କରୁଥିଲେ। ସେ ଗୁଜରାଟ ବନ୍ଦ କରିବାକୁ କିଏ? ସେ କ’ଣ ହିଟଲର? ସେବେଠାରୁ ମୁଁ ତାଙ୍କୁ ମାଡ଼ ମାରିବି ବୋଲି ଶପଥ ନେଇଥିଲି। ସେହି କାରଣରୁ ମୁଁ ତାଙ୍କୁ ଚାପୁଡ଼ା ମାରି ରାଗ ସୁଝାଇଛି।”

ଆହୁରି ପଢ଼ନ୍ତୁ

ପୁଣି ଗଞ୍ଜାମ ଗଲେ ୫ ଓଏଏସ୍ ଓ ୩୨ ଓଆରଏସ୍‌

କଂଗ୍ରେସ ଛାଡ଼ିବେ କି ପ୍ରଦୀପ ମାଝୀ ? ଇସାରାରେ ଅଛି ମଞ୍ଜ କଥା

ସ୍ୱାବ୍‌ ସଂଗ୍ରହ ବେଳେ ବନ୍ଧୁକ ଦେଖାଇଲେ

ଏହି ୫ ଜିଲ୍ଲା ହେଉଛି ମହାମାରୀ ଭୂତାଣୁର ଗଡ଼

ଇସ୍କନ୍ ମନ୍ଦିର ପଛ ରାସ୍ତାରେ ଘଟିଲା ଛାତିଥରା ଘଟଣା

ରାଜଧାନୀରେ ଘର କଲାଣି କରୋନା, ଆଜି ପୁଣି ୫୦ ପାର

ଓଡ଼ିଶାରେ ବଢ଼ୁଛି କରୋନା ଆରୋଗ୍ୟହାର: ରାଜେଶ ଭୂଷଣ  

ଆସନ୍ତାକାଲିଠାରୁ ରାଜ୍ୟରେ ଆରମ୍ଭ ହେବ ପ୍ଲାଜମା ଥେରାପି

ହୋମ୍‌ କ୍ୱାରେଣ୍ଟାଇନ୍‌ରେ ନ ରହି ଫାଷ୍ଟ ଫୁଡ୍‌ ବିକିଲେ ଯୁବକ; ରିପୋର୍ଟ ଆସିଲା ପଜିଟିଭ

ଆଇପିଏସ୍‌ ସ୍ତରରେ ବଡ଼ ଅଦଳବଦଳ; ଭୁବନେଶ୍ୱର ଓ କଟକରେ ନୂଆ ଡିସିପି

ସୁନ୍ଦରଗଡ଼ ଜିଲ୍ଲାରେ ୫୨ ଆକ୍ରାନ୍ତଙ୍କ ମଧ୍ୟରୁ ୩୭ କରୋନା ଯୋଦ୍ଧା

ରାଜ୍ୟରେ କରୋନା ନେଲା ଆଉ ୪ ମୁଣ୍ଡ, ମୃତ୍ୟୁ ସଂଖ୍ୟା ୭୪କୁ ବୃଦ୍ଧି