କୋଲକାତା: ନୋବେଲ ବିଜେତା ଅମର୍ତ୍ତ୍ୟ ସେନଙ୍କୁ କଡ଼ା ଭାଷାର ସମାଲୋଚନା କରିଛନ୍ତି ମେଘାଳୟ ରାଜ୍ୟପାଳ ତଥାଗତ ରୟ। ବର୍ତ୍ତମାନ ଦେଶରେ ଆକ୍ରମଣ ପାଇଁ ଜୟ ଶ୍ରୀରାମର ଟ୍ରେଣ୍ଡ ଆରମ୍ଭ ହୋଇଛି। ଏଥିସହ ବେଙ୍ଗଲୀ ସଂସ୍କୃତି ସହ ଜୟ ଶ୍ରୀରାମର କୌଣସି ସମ୍ପର୍କ ନାହିଁ ବୋଲି ଅମର୍ତ୍ତ୍ୟ ସେନ ମତ ଦେଇଥିଲେ।
ଏହାକୁ କାଉଣ୍ଟର କରିବାକୁ ଯାଇ ରାଜ୍ୟପାଳ ରୟ ଜୟ ଶ୍ରୀରାମ ପାଇଁ ଓକିଲାତି କରିଛନ୍ତି। ସେ କହିଛନ୍ତି, “ଅମର୍ତ୍ତ୍ୟ ସେନ ଅର୍ଥନୀତିରେ ନୋବେଲ ପାଇଛନ୍ତି। ତେଣୁ ସେ ତାଙ୍କ ବିଷୟ ଉପରେ ଗୁରୁତ୍ୱ ଦେଇ ସୀମା ମଧ୍ୟରେ ରହିବା ଦରକାର। କ’ଣ ରାମରାଜାତାଲା ଓ ସେମରାପୋରେ ପଶ୍ଚିମବଙ୍ଗରେ ନାଁ ଆଉ କେଉଁଠି? ଆମେ ଯେତେବେଳେ ଭୂତକୁ ଭୟ କରୁଛେ, ସେତେବେଳେ କ’ଣ ରାମ-ରାମ କହି ନଥାଉ? ତେଣୁ ଅମର୍ତ୍ତ୍ୟ ସେନ ନିଜ ବିଷୟ ଉପରେ ଧ୍ୟାନ ଦିଅନ୍ତୁ।”